ەلورداداعى اتىس: دارىگەرلەر جارالانعان ازاماتتاردىڭ جاعدايى تۋرالى ايتتى

نۇر-سۇلتان. قازاقپارات - نۇر-سۇلتان قالالىق دەنساۋلىق ساقتاۋ باسقارماسى وق ءتيىپ جاراقات العان ازاماتتاردىڭ دەنساۋلىعىنا قاتىستى ءمان-جايدى ايتتى، دەپ حابارلايدى قازاقپارات ءتىلشىسى.

«اۋرۋحاناعا جەتكىزىلگەن ازاماتتاردا ايتارلىقتاي جاراقات جوق. ولاردى ماماندار تەكسەرگەننەن كەيىن امبۋلاتوريالىق ەم الۋ ءۇشىن ۇيلەرىنە جىبەردى. ولاردىڭ ەشقايسىسى اۋرۋحاناعا جاتقىزىلمادى»، - دەپ اتاپ وتەدى باسقارمانىڭ باسپا ءسوز قىزمەتىنەن.

بۇعان دەيىن حابارلاعانىمىزداي، 25- تامىز كۇنى جەدەل باسقارۋ ورتالىعىنا مامان كوشەسىندە اتىس بولىپ جاتقانى تۋرالى حابار كەلىپ تۇسكەن.

وقيعا ورنىنا جەتكەن پوليتسەيلەر جاعدايعا كوز جەتكىزدى. ءبىر توپ ادام جانجالداسىپ، اشۋعا بۋلىققان بىرەۋى باسقالارعا قارۋدان وق جاۋدىرعان. سالدارىنان 4 ادام جارالاندى. ونىڭ بىرەۋى اۋرۋحاناعا جەتكىزىلگەن سوڭ كوز جۇمدى. كۇدىكتىلەر وقيعا ورنىنان ءىزىن جاسىرعان.

ەلوردالىق پوليتسەيلەردىڭ شۇعىل ارەكەتىنىڭ ارقاسىندا كۇدىكتىلەر ءبىر تاۋلىك ىشىندە ۇستالدى. قازىرگى ۋاقىتتا ولار قاماۋعا الىنعان. اتالمىش ىسكە قاتىسى بار بارلىق ادام انىقتالدى. سوتقا دەيىنگى تەرگەۋ ءجۇرىپ جاتىر.