الماتىدا حالىقارالىق تاۋ فەستيۆالى وتەدى
شارا قىزىقتى باعدارلاماسىمەن ەرەكشە بولماق: تاۋعا جۇگىرىپ شىعىپ، تومەن تۇسەتىن جارىستار، كۇندىزگى جانە تۇنگى ساياحاتتار، ۇلتتىق ويىندار ۇيىمداستىرىلادى. «جىبەك جولى» ەتنيكالىق جارمەڭكەسى، شاتىرلى لاگەرلەر، الماتى قالاسىنىڭ كورىكتى جەرلەرىن ارالاۋدا نازاردان تىس قالمايدى. جارىسقا قاتىسۋشىلار ارنايى سىيلىقتارمەن ماراپاتالادى. 2019 -جىلدىڭ 28 - تامىزىنان 31 - تامىزىنا دەيىن جاياۋ ەكسكۋرسيا وتكىزۋ جوسپارلانعان. تاجىربيەلى گيدتەردىڭ قاتىسۋىمەن، الماتى قالاسىنىڭ ماڭىزدى تۋريستىك نىساندارىن قامتيدى.
باعدارلاما مارشرۋتى: 28 - 29 - تامىز «وي - قاراعاي» - «بۋكرەيەۆ» شىڭى - «بۋتاكوۆكا شاتقالى» - «قيماساروۆ شاتقالى» ؛ 29 - 30 - تامىز «قيماساروۆ» شاتقالىنداعى باقىلاۋ الاڭىنا تۇنگى ساپار؛ 30 - تامىز، «قيماساروۆ شاتقالى» - «بۋتاكوۆا شاتقالى» - «بۋتاكوۆكا سارقىراماسى» ؛ 30 - 31 - تامىز «قيماساروۆ شاتقالى» - «فۋرمانوۆا شىڭى» - «مەدەۋ» . حالىقارالىق تاۋ فەستيۆالىنە قازاقستاننان جانە باسقا ەلدەردەن 5 مىڭنان استام قوناق كەلەدى دەپ كۇتىلۋدە.