ەلىمىزدە سپورت ۋنيۆەرسيتەتى اشىلادى

نۇر- سۇلتان. قازاقپارات - بولاشاقتا قازاقستاندا سپورت ۋنيۆەرسيتەتى قۇرىلادى. بۇل تۋرالى بۇگىن ق ر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ ءتوراعاسى سەرىك ساپيەۆ ايتتى، دەپ حابارلايدى قازاقپارات ءتىلشىسى.

«بولاشاقتا ەلىمىزدە سپورت ۋنيۆەرسيتەتىن قۇرۋ جوسپاردا بار. ول جەردە بارلىق سالالاردا سپورتشىلاردى دايىنداۋمەن بايلانىستى ءتۇرلى باعىتتى قامتيتىن فاكۋلتەتتەر بولادى. سپورت ۋنيۆەرسيتەتى بارلىق پروبلەمانى شەشۋى ءتيىس»، - دەدى ول.

 سونىمەن قاتار، ول بۇل باعىتتاعى جۇمىستاردىڭ قالاي جۇرگىزىلىپ جاتقانىن ايتتى. «ءبىز تەحنيكالىق- ەكونوميكالىق نەگىزدەمەسىن جاساپ، وزگە دە مەملەكەتتىك ورگاندارمەن كەلىسۋ پروتسەدۋراسىن وتكىزىپ جاتىرمىز. سوندىقتان ماسەلە ازىرشە اشىق، ءبىز بارلىعىن ازىرلەدىك، ۇسىنىس ەنگىزۋدەمىز. ماسەلە شەشىلىپ جاتىر. تاياۋ 4 جىلدىڭ ىشىندە شەشىلەدى»، - دەدى سەرىك ساپيەۆ.