قازاقستاندىق قۇرىلىس كومپانياسى جاڭا ونىمدەرىن تانىستىردى
ول ءۇشىن ارنايى سايتقا كىرىپ، قالاعان ديزاين، ماتەريالىڭىزدى كورسەتسەڭىز جەتكىلىكتى. «Smart Home» جۇيەسى ەلىمىزدىڭ ءىرى قالالارىندا كەڭىنەن تاراپ كەلەدى. ەندى ول BI Group كومپانياسىنىڭ تۇتىنۋشىلارىنا دا قولجەتىمدى.
قىركۇيەك ايىنان باستاپ جاڭا پاتەرلەردىڭ باسىم كوپشىلىگىنە وسىنداي تەحنولوگيا ەنگىزىلەدى. بۇل بيزنەس ساناتتى تۇرعىن ۇيلەرگە عانا قاتىستى ەمەس. سونداي- اق كومپانيا سالاتىن وزگە دە پاتەرلەر بۇل جۇيەمەن جابدىقتالادى.
ايدىن راحىمبايەۆ، «BI Group» حولدينگى ديرەكتورلار كەڭەسىنىڭ ءتوراعاسى:
- اقىلدى ۇيلەر - ءبىزدىڭ كومپانيانىڭ بىرەگەي شەشىمدەرىنىڭ ءبىرى. ەندى BI Group-تىڭ دايىن پاتەرلەرى وسىنداي بولادى. بۇل سالادا بۇرىن- سوڭدى مۇنداي جاڭاشىلدىق بولعان ەمەس. سوندىقتان ريەۆوليۋتسيا جاساپ جاتىرمىز دەۋگە بولادى.
كومپانيا ۇسىنىپ وتىرعان تاعى ءبىر جوبا - «سمارت رەمونت» دەپ اتالادى. بۇل ءونىم جوندەۋ جۇمىستارىن ونلاين رەجيمدە جۇرگىزۋگە مۇمكىندىك بەرەدى. پاتەر يەسى بولمەلەردىڭ ديزاينىن تاڭداپ، قۇرىلىس ماتەريالدارىن ساتىپ الىپ قانا قويماي، تەحنيكا مەن جيھازعا دا تاپسىرىس بەرە الادى.
ايدىن راحىمبايەۆ، BI Group حولدينگى ديرەكتورلار كەڭەسىنىڭ ءتوراعاسى:
- جوندەۋ جۇمىستارىن پاتەرگە بارماي- اق اياقتاۋعا بولادى. تەحنيكالىق باقىلاۋدى ينجەنەر جۇزەگە اسىرادى. باستىسى - باعاسى اسا قىمبات ەمەس. سەبەبى كومپانياعا ماتەريال العان كەزدە جەڭىلدىك جاسالادى. ال بۇل ماتەريالدى ءبىز تۇتىنۋشىلارىمىزعا ۇسىنامىز. سوندىقتان جوندەۋ جۇمىستارى ارزانعا تۇسەدى.
كومپانيا باسشىلارى تۇتىنۋشىلارعا BI Clients دەپ اتالاتىن تاعى ءبىر جوبانى تانىستىردى. ول قىزمەت كورسەتۋ ساپاسىن ارتتىرۋعا باعىتتالعان. ازىرگە بۇل جۇيەنىڭ قىزمەتىنە 300-گە جۋىق تۇرعىن ءۇي كەشەنى جۇگىندى. ونىڭ تاعى ءبىر ەرەكشەلىگى - تۇرعىندار ارنايى قوسىمشا ارقىلى قاراجاتتىڭ قايدا جۇمسالعانىن باقىلاپ وتىرادى.
www.24.kz