الەمگە ايگىلى «تاكسي» فيلمىنىڭ باستى كەيىپكەرى اباي ولەڭىن وقىدى

 نۇر- سۇلتان. قازاقپارات -  «تاكسي» فيلمىندەگى رولىمەن الەمگە تانىمال بولعان فرانسۋز اكتەرى سامي ناسەري ابايدىڭ ولەڭىن ءوز تىلىندە وقىپ بەردى، دەپ حابارلايدى قازاقپارات ءتىلشىسى.

الەمگە ايگىلى «تاكسيستىڭ» ۆيدەوسى Instagram-داعى «ztb_video»توبىنىڭ پاراقشاسىندا جاريالاندى. «بارلىقتارىڭىزعا سالەم! مەن فرانسۋز اكتەرى سامي ناسەريمىن»، - دەپ ءوزىن تانىستىرعان اكتەر مۇراگەر اتتى دوسىنان اباي ولەڭدەرىن وقۋ ەستافەتاسىن قابىل العانىن ايتادى. وسىدان كەيىن اكتەر «ساعاتتىڭ شىقىلداعى ەمەس ەرمەك» اتتى اباي ولەڭىن فرانسۋز تىلىندە وقىپ، ەستافەتانى قازاقستاندىق كاسىپقوي بوكسشى گەنناديي گولوۆكينگە جولدادى.

 ايتا كەتەيىك، بۇعان دەيىن ق ر پرەزيدەنتى قاسىم- جومارت توقايەۆ 9 - جاستاعى مەكتەپ وقۋشىسىنىڭ اباي ولەڭىن وقۋ بويىنشا ەستافەتانى قابىل الىپ، ونى ءبىلىم جانە عىلىم ءمينيسترى اسحات ايماعامبەتوۆكە، مادەنيەت جانە سپورت ءمينيسترى اقتوتى رايىمقۇلوۆاعا جانە بۇكىل الەمدى مويىنداتقان تالانتتى ءانشى ديماش قۇدايبەرگەنگە جولداعان ەدى. كەيىن چەللەندجگە وزگە دە مەملەكەت جانە قوعام قايراتكەرلەرى، زيالى قاۋىم وكىلدەرى، سپورت، مادەنيەت، ءبىلىم سالاسىنىڭ قىزمەتكەرلەرى، شەتەلدىك ديپلوماتتار، قازاقستاندىق جانە الەمدىك ب ا ق وكىلدەرى قوسىلدى.