شياڭگاڭدا پوليتسيا نارازىلارعا العاش رەت قارۋدان وق اتتى

نۇر-سۇلتان. قازاقپارات – گونكونگتە 25- تامىزدا نارازىلىق شەرۋىن تاراتۋ كەزىندە پوليتسيا العاش رەت قارۋدان وق اتتى دەپ جازادى France Press.

اگەنتتىكتىڭ حابارلاۋىنشا، پوليتسيا قىزمەتكەرلەرىنىڭ ءبىرى تاپانشادان وق اتقان. زارداپ شەككەندەر تۋرالى ازىرگە اقپارات تۇسكەن جوق.

جەكسەنبى كۇنى شياڭگاڭدا ۇكىمەتكە قارسى كەزەكتى شەرۋگە شىققاندار جولىن بوگەگەن پوليتسيامەن قاقتىعىسقان. بيلىكتىڭ حابارلاۋىنشا، 29 ادام ۇستالعان. نارازىلار پوليتسياعا تاس پەن جانارماي قۇيىلعان بوتەلكەلەر لاقتىرعان. پوليتسيا شەرۋدى تاراتۋ ءۇشىن كوزدەن جاس اعىزاتىن گاز بەن سۋ شاشىپ، رەزەڭكە وق قولدانعان.

شياڭگاڭدا جاپپاي نارازىلىقتىڭ جالعاسىپ جاتقانىنا ەكى ايدان استى. اۋەلدە نارازىلىققا قىلمىستىق ءىس بويىنشا كۇدىككە ىلىنگەندەردى قىتايعا ەكستراديتسيالاۋ تۋرالى زاڭ جوباسى سەبەپ بولعان ەدى. بيلىك نارازىلاردىڭ تالابىن ورىنداپ، داۋلى جوبانى قاراۋدان باس تارتقان. ءبىراق شياڭگاڭ تۇرعىندارى شەرۋدى توقتاتپاي وتىر.

«ازاتتىق»