قازاقتىڭ «قۇسني قورلانى» امەريكالىق ونەرپازدىڭ جۇرەگىن باۋراپ الدى

نۇر-سۇلتان. قازاقپارات - ۇلى دالانىڭ اۋەندەرىن زەرتتەپ بىلۋگە تالپىنعان نيۋ- يوركتىك لاري ۋيلسون حالىق ءانىنىڭ كەرەمەت اۋەزدىگىن ايتادى.

سوندىقتان «قۇسني قورلان» ءانىن قازاق مادەنيەتىنىڭ اسىل مۇراسىنىڭ ءبىرى دەپ سانايدى. ۇلى دالا مۋزىكاسىن ەندى تانىپ ءبىلىپ جاتقان امەريكالىق مۋزىكانت قازاقستانعا كەلۋدى ارماندايدى.

 لاري ۋيلسون، امەريكالىق مۋزىكانت:

 -  شەت ەلدەرگە ساياحاتتاعاندى ۇناتامىن. جاپونيا، كانادا، ەۋروپادا بولدىم. ال قازاقستاندى مۋزىكا ارقىلى تانىپ، ءبىلىپ جاتىرمىن. ءسىزدىڭ ەلدىڭ اندەرىنىڭ ماعىناسى تەرەڭ، ەرەكشە اۋەزدى جانە تاريحپەن ساباقتاس. ونىڭ ىشىندە «قۇسني قورلان» ءانى ماعان وتە ۇنايدى. مۇنداي ادەمى ءاندى بۇعان دەيىن ەستىمەپپىن. تىڭداعاندا ادامدى بىردەن باۋراپ الادى. جالپى ءسىزدىڭ ەلدىڭ مادەنيەتى تۋرالى كوبىرەك بىلسەم دەگەن ويدامىن.

www.24.kz