ارالدا قانشا سۋ قالدى

نۇرسۇلتان. قازاقپارات – ق ر ەكولوگيا، گەولوگيا جانە تابيعي رەسۋرستار ۆيتسە- ءمينيسترى ەرلان نىسانبايەۆ ارالدىڭ قازاقستانعا تيەسىلى بولىگىندە قانشا سۋ قالعانىن ايتتى، دەپ حابارلايدى قازاقپارات ءتىلشىسى.

ۆيتسە- ءمينيستردىڭ ايتۋىنا قاراعاندا، قازاقستان جىل سايىن ۇلكەن ارالعا 4,5 ميلليارد تەكشە مەتر سۋ قۇيىپ وتىر.

 «ۇلكەن ارالدى قالپىنا كەلتىرۋ قيىنداۋ. سەبەبى، سىر مەن ءامۋداريا وزەنىنىڭ بويىندا ادامنىڭ تىرلىگى جىلدان- جىلعا ۇلعايۋدا. ادامدار سانى كوبەيىپ جاتىر. قازاقستاننىڭ ارالدى ساقتاپ قالۋعا قوسقان ۇلەسى -  كىشى ارالدى ساقتاپ قالعانى. كىشى ارالدى ساقتاپ قالۋ ارقىلى قانشاما جەردى تۇزدانۋدان ساقتاپ وتىرمىز. ۇلكەن ارال قازىرگى كۇندە جوق دەۋگە دە بولادى. ازىن- اۋلاق قانا سۋى بار. ءبىز جىلىنا سىرداريا بويىنشا 4-4,5 ميلليارد  تەكشە مەتر سۋدى ۇلكەن ارالعا تاستايمىز. ارينە، ول قاڭسىعان ارالدىڭ جۇمىرىنا دا جۇقپايدى. وعان كەم دەگەندە جىلىنا 20-30 ميلليارد تەكشە مەتر سۋ كەلىپ قۇيىلۋى كەرەك. ءبىراق، ادام تىرشىلىگىن توقتاتۋعا بولمايدى. سىردىڭ بويىندا وتىرعان حالىق تا، وڭتۇستىك پەن وزبەكستان حالقى دا جىل سايىن كوبەيىپ كەلەدى. ادامزاتتىڭ تىرلىگى تەك ارالعا ەمەس، بۇكىل عالامشارعا اسەرىن تيگىزىپ جاتىر»، - دەگەن مينيسترلىك وكىلى ارالدىڭ قۇرعاپ قالعان تابانىنا سەكسەۋىل ەگۋ جالعاسىپ جاتقانىن اتادى.

 «قازىرگى كۇندە كىشى ارالدىڭ وزىندە 30 ميلليارد تەكشە مەتردەن استام سۋ بار. سۋ پايدا بولعالى ماڭايىندا تىرشىلىك تە جانداندى. كوكتەمدە ءبىزدىڭ مينيسترلىك كورەيا رەسپۋبليكاسىنىڭ ورمان شارۋاشىلىعى قىزمەتىمەن بىرلەسىپ ارال تەڭىزىنىڭ قۇرعاعان ءتۇبىن فيتوورمانمەن مەليوراتسيالاۋ بويىنشا گرانتتىق جوبانى ىسكە اسىرىپ،  قىزىلوردا وبلىسىندا 5,0 مىڭ گەكتار القاپقا سەكسەۋىل ەكتى»، - دەدى ەرلان نىسانبايەۆ.

ەسكە سالساق، ەرلان نىسانبايەۆ بريفينگ بارىسىندا براكونەرلەر ءبىر جارىم جىلدا 700-دەن استام كيىكتى قىرىپ

اۆتور ەسىمجان ناقتىباي