ۆيدەوبلوگەرلەر اراسىنداعى بايقاۋ مارەسىنە جەتتى

نۇر-سۇلتان. قازاقپارات - «قازاقستاندى تانى» حالىقارالىق بلوگەرلەر فورۋمىنىڭ ەكىنشى كۇنىندە «مەن قازاقستاننانمىن» اتتى ۆيدەوبلوگەرلەر بايقاۋىنىڭ جەڭىمپازدارىن ماراپاتتاۋ ءراسىمى ءوتتى، دەپ حابارلايدى قازاقپارات.

ءبىرىنشى ورىندى ديدار مۇراتوۆ (الاكول تۋرالى ۆيدەو) يەلەندى، سىياقى كولەمى - 1 ميلليون تەڭگە. 2-ورىن جانە 500000 تەڭگەنى دميتري موسكالەنكو (اق باۋىر پەتروگليفتەرى تۋرالى ۆيدەو) جەڭىپ الدى. 3-ورىن جانە 200000 تەڭگەنى الديار بايراقىموۆ (كوك جايلاۋ تۋرالى ۆيدەو) يەلەندى. «اۆياتا» كومپانياسىنىڭ ارنايى نوميناتسياسىن جاسۇلان باقىتجانوۆ (الماتى تۋرالى ۆيدەو) الدى. «Sevens» اۋىز سۋىنىڭ ارنايى سىيلىعى ايدا تاستەمىروۆاعا (اسا جايلاۋى تۋرالى ۆيدەو) بۇيىردى.

كونكۋرسقا قاتىسۋعا 1000 عا جۋىق ءوتىنىم كەلىپ تۇسكەن، 200 دەن استام ۆيدەو جۇمىس قابىلداندى. فينالعا 15 ۆيدەوبلوگەردىڭ جۇمىسى ءوتتى.

قاتىسۋشىلاردىڭ جوبالارىن الىشەر ەلىكبايەۆ، ءبىرجان ءاشىم، لۋي كوۋلل جانە مۋراد وسمانن سياقتى ەلىمىزدىڭ جانە شەت ەلدەردىڭ اتاقتى بلوگەرلەرىنەن تۇراتىن ءادىل قازىلار القاسى تاڭدادى.

فينالعا جەتكەن قاتىسۋشىلار قازاقستانداعى YouTube كومپانياسىنىڭ رەسمي وكىلىمەن كەلىسىمشارتقا وتىرىپ، ءوز ارنالارىنىڭ داۋمىنا قاتىستى مامانداردىڭ كەڭەستەرىن الادى.

بايگە شارتى بويىنشا قاتىسۋشىلار وزدەرىنىڭ تۋعان قالالارى نەمەسە اۋىلدارى تۋرالى قىسقاشا ۆيدەوروليك ءتۇسىرۋى كەرەك. ءوز تۋىندىسىندا تۋعان جەرى تۋرالى، ونىڭ قىزىقتى نەمەسە ماڭىزدى جەرلەرى تۋرالى بايانداپ، تۋعان جەرىنىڭ تۋريستەر ءۇشىن قانداي قىزىقتارى بار تۋرالى ايتىپ بەرۋى قاجەت بولاتىن.

جوبا قازاقستانداعى جاستار جىلى اياسىندا جۇزەگە اسىرىلدى. ءىس-شارانى ۇيىمداستىرۋشىلار - «ازاماتتىق باستامالاردى قولداۋ ورتالىعى» ك ە ا ق جانە «A kind heart» قوعامدىق بىرلەستىگى. بايقاۋعا ق ر اقپارات جانە قوعامدىق دامۋ مينيسترلىگى قولداۋ كورسەتتى.

جوبانىڭ ستراتەگيالىق سەرىكتەستەرى قاتارىندا «Kazakh Tourizm» ۇلتتىق كومپانياسى بار.