روبوت فەدور عارىشتا قيىن جاعدايعا تاپ بولدى
پيلوتسىز كەمە ح ع س- پەن ەكى تاۋلىك وتكەننەن كەيىن تۇيىسەدى دەپ جوسپارلانعان، دايىندىق ءساتى مەن ءتۇيىسۋ پروتسەسى تىكەلەي ەفيردەن كورسەتىلدى. ءبىراق، 24 - تامىزدا ءتۇيىسۋ تەحنيكالىق سەبەپتەرگە بايلانىستى كەمە ح ع س- پەن اۆتوماتتى رەجىمدە وتكەن جوق.
كەمەدە توعىسۋ كەزىندە حالىقارالىق عارىش ستانساسىندا ورناتىلعان قۇرىلعىدان اقاۋ شىقتى. ول قاۋىپسىز جاناسۋعا جانە شليۋزدەۋگە جاۋاپ بەرەدى. وسىعان بايلانىستى، ۇشۋدى باسقارۋ ورتالىعى ح ع س جانە وربيتادا جۇمىس ىستەپ جاتقان ەكيپاجدىڭ قاۋىپسىزدىگىن قامتاماسىز ەتۋ ءۇشىن كەمەنى ءقاۋىپسىز قاشىقتىققا الىپ كەتۋ تۋرالى شەشىم قابىلداندى.
«ەنەرگيا» زىمىران- عارىش كورپوراتسياسىنىڭ ماماندارى «سويۋز مس-14» كەمەسىن قايتى توعىستىرۋ نۇسقاسىن ۇسىندى. مەملەكەتتىك كوميسسيا شەشىمى بويىنشا، 2019 -جىلدىڭ 26 - تامىزىندا «سويۋز مس-13» كەمەسىن ح ع س رەسەي سەگمەنتىندەگى «پويسك» كىشى زەرتتەۋ مودۋلىندە «زۆەزدا» قىزمەتتىك مودۋلىمەن قايتا ءتۇيىستىرۋ جوسپارلانىپ وتىر.
بۇل وپەراتسيا «زۆەزدا» قىزمەتتىك ءمودۋلىنىڭ ءتۇيىستىرۋ ءتۇيىنىن بوساتۋ ماقساتىندا جۇرگىزىلمەك. ول 2019 -جىلدىڭ 27 - تامىزىندا ماسكەۋ ۋاقىتىمەن 06:12 دە «سويۋز مس-14» كەمەسىمەن توعىسۋى ءتيىس، دەپ حابارلايدى روسكوسموس باسپا ءسوز قىزمەتى.
جەكسەنبى، 25 - تامىزدا ەكيپاج حالىقارالىق عارىش ستانتسياسىنىڭ بورتىندا «سويۋز م س-13» عارىش كەمەسىن الداعى قايتا توعىستىرۋعا جانە قايتا ىسكە قوسۋعا دايىندىق وتكىزەدى. قازىرگى ۋاقىتتا «سويۋز مس-14» كەمەسى روبوت فەدورمەن قايتا ءتۇيىسۋدى كۇتىپ، كۇندى اينالىپ ءجۇر. جاعداي قيىن، ءبىراق باقىلاۋدا، دەپ اتاپ ءوتتى روسكوسموس باسپا ءسوز قىزمەتىنەن.