قىتاي بايلۋ تايفۋنى سالدارىنان قاۋىپ- قاتەردىڭ سارى دەڭگەيىن جاريالادى

None
None
بەيجىڭ. قازاقپارات -  قىتايدىڭ ۇلتتىق وبسەرۆاتورياسى كەلە جاتقان بايلۋ تايفۋنى سالدارىنان قاۋىپ- قاتەردىڭ سارى دەڭگەيىن جاريالادى.

وسىعان بايلانىستى قىتايدىڭ وڭتۇستىگىندە داۋىل سوعىپ، تولاسسىز جاڭبىر جاۋۋى مۇمكىن، دەپ حابارلايدى قازاقپارات شينحۋا اگەنتتىگىنە سىلتەمە جاساپ.

بيىلعى 11- تايفۋن تايۆاننىڭ وڭتۇستىك- شىعىسىنا سەنبى كۇنى كەلۋى نەمەسە اينالىپ ءوتۋى ىقتيمال. ءارى قاراي سەنبى كۇنى تۇندە نەمەسە جەكسەنبى تاڭەرتەڭ فۋجياڭ مەن گۋاڭدۋن پروۆينتسيالارىنىڭ جاعالاۋ ماڭىنداعى اۋداندارىنا جىلجيدى، دەپ حابارلايدى قىتايدىڭ ۇلتتىق مەتەورولوگيالىق ورتالىعى.

ورتالىق قاتتى جەل مەن جاۋىنعا بايلانىستى تايۆان، فۋجياڭ ، جىجياڭ، گۋاڭدۋن، شانشي، سىچۋان جانە يۋننان پروۆينتسيالارىندا ەسكەرتۋ جاريالادى.

كەيبىر اۋدانداردا ساعاتىنا 60 م م- گە دەيىن جاۋىن- شاشىن جاۋادى. سونداي- اق، قىتايدىڭ ۇلتتىق مەتەورولوگيالىق ورتالىعى تۇرعىنداردان بەلسەندى دەمالىستان باس تارتىپ، جەرگىلىكتى بيلىكتى جاڭبىر سالدارىنان بولۋى مۇمكىن سۋ تاسقىنىنا قارسى ساقتىق شارالارىن قولدانۋعا شاقىرىپ جاتىر. قىتايدا كۇردەلى اۋا رايى جاعدايى تۋرالى حالىققا ەسكەرتۋ ءۇشىن ءتورت دەڭگەيلى كورسەتكىش قولدانىلادى: قىزىل، سارعىلت، سارى جانە كوك.

سوڭعى جاڭالىقتار