+7 (701) 759 90 19 Лента
8 °С : نۇر-سۇلتان
17 °С : الماتى
USD 386.70 EUR 427.15
RUB 6.06 CNY 54.57
جاڭالىقتار

ءبىر تونناعا جۋىقتايتىن «التايدىڭ كوك جاقۇتى» جۇرتقا كورسەتىلدى - شەتەلدەگى قازاق ءتىلدى ب ا ق- قا شولۋ

24 تامىز 14:33
:ءبولىسۋ
ءبىر تونناعا جۋىقتايتىن «التايدىڭ كوك جاقۇتى» جۇرتقا كورسەتىلدى - شەتەلدەگى قازاق ءتىلدى ب ا ق- قا شولۋ

استانا. قازاقپارات - «قازاقپارات» ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

سالماعى ءبىر تونناعا جۋىق «التايدىڭ كوك جاقۇتى» جۇرتقا كورسەتىلدى - «التاي اقپارات» سايتى

قىتايدىڭ التاي ايماعىندا تۇڭعىش كەزەكتى حالىقارالىق «التايدىڭ التىن، اسىل تاس جانە مادەنيەت» كورمەسى اشىلدى.

اتالعان اقپارات كوزىنىڭ مالىمەتىنشە، ۇيىمداستىرۋشىلار بۇل كورمەدە «التاي - التىن، اسىل تاسىمەن ايگىلى» دەگەن تاقىرىپتى ارقاۋ ەتىپ، 4 كورمە الاڭىندا 7 كۇنگە جالعاسقان اۋقىمدى ءتۇرلى ءىس- شارالار وتكىزۋدى جوسپارلاعان. قازىرگى كۇنى التايدا 94 ءتۇرلى كەن ورنى انىقتالعان. بۇل بۇكىل قىتايداعى كەن ءتۇرىنىڭ %54.65 ۇستايدى.


«التايدىڭ «تاۋى التىن، سۋى كاۋسار» دەگەن اتاعى بار. سوندىقتان بولار حالقارالىق كورمەنى قىزىقتاپ، تاماشالاۋعا تۋريستەر مەن قوناقتار كوپ جينالدى. كورمەنىڭ اشىلۋ سالتاناتىندا قىتايداعى ەكىنشى ۇلكەن مەتەوريت جۇرتقا كورسەتىلىپ، وعان «التاي جۇلدىزى» دەگەن اتاۋ بەرىلدى. سونىمەن بىرگە سالماعى ءبىر تونناعا جۋىقتايتىن «التاي كوك تەڭىز جاقۇتى» دا كوپشىلىك كوزايىمىنا اينالدى.




كورمەدە جۇرتتار قىزعا تاماشالعان «التاي كوك تەڭىز جاقۇتى» 2002 -جىلى التايدىڭ كوكتوعاي اۋدانىنان تابىلعان. كورمەگە التايدىڭ التىنى مەن ءتۇرلى اسىل تاستارى قويىلدى. سونداي- اق، قوناقتارعا قازاق حالقىنىڭ ءداستۇرلى مادەنيەتى دە تانىستىرىلدى» ، - دەپ جازادى «التاي اقپارات» سايتى.




موڭعوليا استاناسىندا قازاق كۇرەسىنەن ازيا چەمپيوناتى ءوتتى - kaznews.mn



قازاق كۇرەسىنەن ازيا چەمپيوناتى موڭعوليا استاناسى ۇلانباتىر قالاسىندا ءوتتى، دەپ جازادى موڭعوليانىڭ KAZNEWS اقپاراتتىق پورتالى.

«چەمپيوناتقا 11 ەلدەن 130 سپورتشى قاتىسىپ 44 مەدال ءۇشىن باقتارىن سىنادى. جارىس ەكى كۇنگە جالعاستى. جاپونيادان كەلگەن Sato Yuya 2019 -جىلعى ازيا چەمپيوناتىنىڭ «ۇزدىك سپورتشىسى» اتانسا، ۋكراينالىق باپكەر ۆيكتور كۋروپيوتييك «ۇزدىك تورەشى» اتاندى. +100 كەلى سالماقتا موڭعوليا بالۋاندارى سەرىك بەردىمۇرات ۇلى مەن تۇيە بالۋان د. انار باس جۇلدەنى قانجىعالادى. كورەرمەندەر اراسىندا ويناتىلعان لوتەريادان ەڭ سالىمدى قوناق «Toyota prius 30» ماركالى اۆتوكولىككە يە بولدى» ، - دەپ جازادى KAZNEWS.



نىلقى اۋدانىندا قازاق ءتىلدى اۋدارماشى مامانداردىڭ باسىن قوسقان القالى جيىن ءوتتى - قىتايدىڭ «ورتالىق حالىق راديوسى» (CNR)



ىلە قازاق اۆتونوميالى وبلىسىنىڭ نىلقى اۋدانىندا قازاق ءتىلدى اۋدارماشى مامانداردىڭ باسىن قوسقان عىلىمي كونفەرەنتسيا ءوتتى، دەپ جازادى قىتايلىق kazakcnr.com سايتى.



«تەرمينولوگيالىق جۇمىستار عىلىم مەن تەحنيكانىڭ، مادەنيەتتىڭ جانە باسقا دا ارناۋلى سالالاردىڭ دامۋىمەن ۇدايى بىرگە دامىپ تۇرلەنىپ وتىرادى. سوندىقتان قازاق ءتىلدى اۋدارماشى ماماندار تەرميندەردى بىرىزدەندىرۋ، رەتتەۋ ماقساتىندا نىلقى اۋدانىندا عىلىمي كونفەرەنسيا وتكىزدى. جينالىسقا ءتۇرلى سالاداعى ءقازاقتىلدى اۋدارماشى ماماندار مەن قىتاي ۇلتتار اۋدارما ورتالىعىنىڭ قازاق ءبولىمىنىڭ ماماندارى قاتىستى. عىلىمي كونفەرەنسيادا ءتىل ماماندارى 400 دەن استام جاڭا اتاۋ- تەرميندەر اۋدارىپ، تەكسەرىپ بەكىتتى» ، - دەپ جازادى CNR.



«التىن ادام» تۇركياعا كەلەدى - TRT



قازاقستاننىڭ ارحەولوگيالىق قازبالارىنىڭ ناتيجەسىندە شىعارىلعان «التىن ادامنىڭ» بۇيىمدارى تۇركياعا كەلەدى، دەپ جازادى تۇركيا راديو تەليەۆيزيا پورتالى.

«قازاقستان رەسپۋبليكاسى ۇلتتىق مۋزەيى تاراپىنان باستالعان «التىن ادامنىڭ الەم ەلدەرىنە شەرۋى» اتتى حالىقارالىق كورمەسى الدىمىزداعى ايدا انكارادا اشىلادى. انادولى مادەنيەتتەرى مۋزەيىندە اشىلاتىن كورمە 12- قىركۇيەك كۇنى باستالىپ، ءبىر اي بويىنشا اشىق بولادى. 2500 جىل بۇرىن ءومىر سۇرگەن ساق جاۋىنگەرلەرىنىڭ جانە باسقا «التىن ادامداردىڭ» ساق وباسىنان تابىلعان بۇيىمدارى كورمەدە ورىن الادى. «التىن ادامنىڭ الەم ەلدەرىنە شەرۋى» اتتى حالىقارالىق كورمەسى وسى جىلدىڭ اياعىنا دەيىن تاعى 5 ەلدە اشىلماق» ، - دەپ جازادى TRT.

بۇلتتار اراسىنداعى نارىن جايلاۋى - تيانشاننەت



قىتايدىڭ التاي ايماعىنا قاراستى قابا اۋدانىنداعى نارىن جايلاۋى جاز ايلارىندا تۇرلەنىپ، وزگەشە تۇسكە ەنەدى، دەپ جازادى «تيانشاننەت» اقپاراتتىق پورتالى.





«قازاقتار قونىستانعان قابا اۋدانىنداعى نارىن جايلاۋى اعاش ءتۇرى ەڭ مول، كوپ ءتۇرلى باعالى وسىمدىكتەر مەن ورمانداردان قۇرالعان. جاز ماۋسىمىندا اسقار تاۋ، نۋ ورمانى وزگەشە تۇسكە ەنىپ، وزەن سۋلارى سىلدىراي اعىپ، گۇلدەرى قۇلپىرىپ جايقالا وسەدى. باتىس ءسىبىر جاقتاعى تايگا ورمانى بۇندا دا بار. نازارلارىڭىزعا وسى كوركەم تابيعات كورىنستەرىنەن فوتورەپورتاج ۇسىنامىز» ، - دەپ جازادى تيانشاننەت.



«استانا بالەت» تاشكەنتتەگى العاشقى گاسترولىن «ۇلى دالا مۇراسى» اتتى باعدارلاماسىمەن اشتى - « ءو ز ا» اقپاراتتىق اگەنتتىگى



الەم ەلدەرىنىڭ ءىرى قالالارىندا كورەرمەن كوزايىمىنا اينالعان «استانا بالەت» ، جاڭا ماۋسىمدى ىنتىعا كۇتكەن، كلاسسيكانى اڭساعان تاشكەنت حالقىنىڭ ىقىلاسىن وزىنە ەرەكشە اۋداردى، دەپ جازادى وزبەكستاننىڭ «ءو ز ا» مەملەكەتتىك اقپاراتتىق اگەنتتىگى.




«ۇلى تۇلعالاردىڭ اندەرىمەن ارلەنگەن اۆتورلىق «ۇلى دالا مۇراسى» اتتى كونسەرتتىك باعدارلاماسىمەن باستالعان قويىلىمدار توپتاماسىن تاشكەنت جۇرتى وتە جىلى قابىلدادى. رەسەي، قىتاي، فرانسيا، اۆستريا، كورەيا، جاپونيا، ۆەنگريا، ازەربايجان، امەريكا، يتاليا، بەلگيا، بەلارۋس سىندى ەلدەرگە گاسترولدىك ساپار جاساعان «استانا بالەت» تەاتىر ۇجىمىنىڭ تاشكەنتتىك ونەر سۇيەر قاۋىم، وزبەكستان استاناسىنا ات باسىن تىرەگەنىن كۇتكەنى سونشالىقتى الىشەر ناۋايى اتىنداعى وزبەكستان مەملەكەتتىك اكادەميالىق تەاتر زالىندا ينە شانشىر ورىن قالعان جوق. كونتسەرتتىك قويىلىمدار سوڭىن ماحاببات الەمىنە شارلايتىن، ادام بويىنا كىرشىكسىز سەزىمدەر مەن شەكسىز سەرپىلىس بەرەر «A Fuego Lento» ءبىر اكتىلى بالەتى تۇيىندەپ بەردى» ، - دەپ جازادى ءو ز ا» مەملەكەتتىك اقپاراتتىق اگەنتتىگى.



رەسەي العاش رەت عارىشقا ادامعا ۇقساس اندرويد تيپتەگى روبوت ۇشىردى - «فارس» اقپارات اگەنتتىگى



رەسەي «بايقوڭىر» عارىش ايلاعىنداعى «گاگارين» پلاتفورماسىنان «سويۋز» ۇشقىشسىز عارىش كەمەسىمەن «فەدور» ەسىمدى اندرويد تيپتەگى روبوتتى العاش رەت عارىشقا ۇشىردى، دەپ حابارلايدى parstoday اقپارات اگەنتتىگى.

«بۇل رەسەيلىك ادامعا ۇقساس روبوتتىڭ حالىقارالىق عارىش ستانتسياسىندا اتقاراتىن العاشقى ميسسياسى. ول 17 كۇن بويى رەسەيلىك عارىشكەرلەردىڭ باقىلاۋىندا جۇمىس ىستەيدى دەپ كۇتىلۋدە. فەدور ۇشار الدىندا الەمدەگى ءبىرىنشى عارىشكەر گاگاريننىڭ «كەتتىك» دەگەن اتاقتى سويلەمىن قايتالادى» ، - دەپ جازادى parstoday.

اۆتور: باقىتجول كاكەش


باستى سوزدەر: شەتەل قازاقتارى ,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات