ەلوردالىق ەكى مىڭنان استام بالا «مەكتەپكە جول» اكسياسى اياسىندا كومەك الادى
اكسيا جالپىعا مىندەتتى ءبىلىم بەرۋ قورىنىڭ قۇرامىنا كىرمەيتىن، ءبىراق مۇقتاج بولىپ تابىلاتىن از قامتىلعان، كوپبالالى جانە جاعدايى ناشار وتباسىلاردان شىققان بالالارعا، جەتىم بالالار مەن اتا- انالارىنىڭ قامقورلىعىسىز قالعان بالالارعا الەۋمەتتىك قولداۋ كورسەتۋگە باعىتتالعان.
اكسيا اياسىندا «ەسىل» اۋدانىنان - 400, بايقوڭىر اۋدانىنان - 600, الماتى اۋدانىنان - 672, سارىارقا اۋدانىنان - 463 وقۋشى كومەك الادى. تاعى 100 بالا قالالىق ءبىلىم باسقارماسىنىڭ قولداۋ شارالارىمەن قامتىلادى.
اكسياعا قاتىسۋشىلارعا وتاندىق وندىرۋشىلەردىڭ مەكتەپ فورماسى جانە قاجەتتى وقۋ قۇرالدارى بەرىلەدى.
وسىلايشا، وقۋشىلارعا بەرىلەتىن مەكتەپ فورماسىنىڭ ورتاشا باعاسى - 30000 تەڭگە. ۇلدارعا ارنالعان پيدجاك، شالبار، جەيدە - 22000 تەڭگە جانە اياق كيىم - 8000 تەڭگە؛ قىزدارعا - پيدجاك نەمەسە كۇرتە، بەلدەمشە، جەيدە، پولو - 22000 تەڭگە جانە اياق كيىم - 8000 تەڭگە.