12:49, 24 - تامىز 2019 | GMT +6
ق ر پرەزيدەنتى: جوشى حاننىڭ ەسىمىن ۇلىقتاۋدى مىندەتتى تۇردە قولعا الۋ قاجەت
قاراعاندى. قازاقپارات - جوشى حاننىڭ ەسىمىن ۇلىقتاۋدى مىندەتتى تۇردە قولعا الۋىمىز قاجەت.
بۇل تۋرالى ق ر پرەزيدەنتى قاسىم- جومارت توقايەۆ قاراعاندى وبلىسىندا ءوتىپ جاتقان « ۇلىتاۋ - 2019» حالىقارالىق تۋريستىك فورۋمىندا ايتتى، دەپ حابارلايدى قازاقپارات اقوردانىڭ Twitter- دەگى پاراقشاسىنا سىلتەمە جاساپ.
«ءبىز التىن وردانىڭ نەگىزىن قالاعان جوشى حاننىڭ ەسىمىن ۇلىقتاۋدى مىندەتتى تۇردە قولعا الۋىمىز قاجەت. ونىڭ تاريحي تۇلعاسىنا الەمنىڭ نازارىن اۋدارىپ، كەسەنەسىن مادەني تۋريزم نىسانىنا اينالدىرۋ - وتە ماڭىزدى مىندەت» ، - دەدى پرەزيدەنت.
سونداي- اق مەملەكەت باسشىسى ۇلى حاننىڭ ۇلكەن ۇلى - جوشىنىڭ مازارى قازاق جەرىندە تۇرعانىن بۇگىندە ەلىمىزدەگى جانە شەتەلدەگى جۇرتشىلىقتىڭ كوبى بىلە بەرمەيتىندىگىن، اتا- بابالاردىڭ اماناتىنا ادال بولۋ - بىزگە سىن ەكەندىگىن اتاپ ءوتتى.