22:39, 23 - تامىز 2019 | GMT +6
ساپاربايەۆ ەلباسىنىڭ ماقتاۋى تۋرالى: مەنى جىگەرلەندىرەدى
نۇر- سۇلتان. قازاقپارات - Nur Otan پارتياسى ساياسي كەڭەسى بيۋروسىنىڭ وتىرىسىندا ەلباسىدان ماقتاۋ ەستىگەن ق ر پرەمەر- ءمينيسترىنىڭ ورىنباسارى بەردىبەك ساپاربايەۆ وزىنە ايتىلعان سوزگە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.
«البەتتە، كەز كەلگەن ادام ءۇشىن بۇل جاعىمدى. بۇل ءسوز ودان ارى جاقسى جۇمىس جۇرگىزۋ ءۇشىن مەنى جىگەرلەندىرەدى»، - دەدى بەردىبەك ساپاربايەۆ ۇكىمەتتىڭ باسپا ءسوز ورتالىعىنداعى بريفينگتەن كەيىن تىلشىلەردىڭ سۇراعىنا جاۋاپ بەرە وتىرىپ.
سونىمەن بىرگە، ۇكىمەت باسشىسىنىڭ ورىنباسارى بۇرىنعىشا حالىق ءۇشىن اشىق بولاتىنىن جەتكىزدى.
«مەن جاڭا لاۋازىمدى بار بولعانى ءۇشىنشى كۇن جۇمىستامىن. بۇگىن سىزدەرمەن كەزدەسىپ وتىرمىن - اشىق ەكەنىمنىڭ دالەلى وسى بولار. بۇرىن دا سونداي بولعام. الداعى ۋاقىتتا وزگەرمەيمىن. ب ا ق وكىلدەرىمەن دە ءاردايىم كەزدەسىپ تۇرامىن»، - دەدى ول.
ەسكە سالا كەتسەك، جاقىندا عانا بەردىبەك ساپاربايەۆ ق ر پرەمەر- ءمينيسترىنىڭ ورىنباسارى لاۋازىمىنا تاعايىندالعان بولاتىن.