+7 (701) 759 90 19 Лента
9 °С : نۇر-سۇلتان
17 °С : الماتى
USD 385.16 EUR 425.95
RUB 6.01 CNY 54.51
جاڭالىقتار

بۇرىنعى  پرەزيدەنت اسقار اقايەۆتىڭ وتباسىنا قىلمىستىق ىستەردىڭ قوزعالۋىنا تۇسىنىك بەرىلدى

23 تامىز 20:32
:ءبولىسۋ
بۇرىنعى  پرەزيدەنت اسقار اقايەۆتىڭ وتباسىنا قىلمىستىق ىستەردىڭ قوزعالۋىنا تۇسىنىك بەرىلدى

بىشكەك. كابار- قازاقپارات - قىرعىز رەسپۋبليكاسىنىڭ باس پروكۋراتۋراسىەلدىڭ ەكس- پرەزيدەنتى اسقار اقايەۆتىڭ وتباسى مۇشەلەرى، تۋىستارى مەن جاقىن تانىستارىنا قاتىستى قىلمىستىق ءىس بويىنشا بۇقارالىق اقپارات قۇرالدارىندا تاراعان اقپاراتتارعا تۇسىنىك بەردى.

بۇل تۋرالى قازاقپارات «كابار» اگەنتتىگىنە سىلتەمە جاساپ حابارلايدى.

مەملەكەتتىك كوميسسيا دەرەكتەرىنە سايكەس، قۇقىق قورعاۋ ورگاندارى 2005 -جىلدىڭ ساۋىرىنەن باستاپ اقايەۆتىڭ وتباسى مۇشەلەرى، تۋىستارى مەن ونىڭ جاقىندارىنا قاتىستى ءبىرقاتار قىلمىستىق ءىس قوزعاعان.

ماسەلەن، مەملەكەتكە ميلليونداعان سومادا زالال كەلتىرگەن مايرام اقايەۆا باسقارعان «مەەريم» قورىنا، ايدار اقايەۆ، ءادىل تويگونبايەۆ جانە باسقا دا تۇلعالارعا قاتىستى قىلمىستىق ىستەر قوزعالعان. كەيبىر قىلمىستىق ىستەر بويىنشا سوت ۇكىمى شىعارىلدى.

باس پروكۋراتۋرا پرەزيدەنتتىڭ جۇبايى مايرام اقايەۆا باسقارعان «مەەريم» قايىرىمدىلىق قورىنىڭ قىزمەتىنە جۇرگىزىلگەن تەكسەرىس ناتيجەلەرى بويىنشا، 30-دان استام قىلمىستىق ءىس قوزعاعان. قور مەملەكەتكە 64 ميلليون سوم زالال كەلتىرگەن. مەملەكەتتىڭ مەنشىگىنە ونداعان عيمارات پەن باسقا دا مۇلىكتەر قايتارىلدى.

اسقار اقايەۆتىڭ بۇرىنعى كۇيەۋ بالاسى ءادىل تويگونبايەۆ سىرتتاي 20 جىلعا باس بوستاندىعىنان ايىرىلىپ، مۇلكى تاركىلەندى جانە 166 (الاياقتىق)، 188 (مونوپوليستىك ارەكەت جانە باسەكەلەستىككە جول بەرمەۋ) جانە 213 (سالىق تولەۋدەن جالتارۋ) باپتارى بويىنشا كىنالى دەپ تانىلدى. بۇدان بولەك، سوت ونى «ماناس» حالىقارالىق اۋەجايى» ا ا ق پايداسىنا 677,291 ميلليون سوم ($10 ميلليون) وتەماقى تولەۋدى مىندەتتەدى.

بۇرىنعى پرەزيدەنتتىڭ ۇلى ايدار اقايەۆتىڭ ۇستىنەن 4 قىلمىستىق ءىس قوزعالدى. ونىڭ كەلتىرگەن زالالى $3 ميلليون شاماسىندا. تاعى 11 قىلمىستىق ءىس بويىنشا ونىڭ كىناسى دالەلدەنىپ وتىر.

«اسقار اقايەۆ پەن ونىڭ وتباسى اتىشۋلى وقيعادان كەيىن قىرعىزستاننان قاشىپ كەتۋىنە بايلانىستى، ولار جاساعان قىلمىس اياسىندا قاماۋعا الۋ تۇرىندەگى بۇلتارتپاۋ شاراسى بەلگىلەندى. سونداي- اق، مىنا تۇلعالارعا حالىقارالىق ىزدەۋ جاريالاندى: ۇلى ايدار اقايەۆ، كۇيەۋ بالاسى ءادىل تويگونبايەۆ جانە باسقا دا تۋىستارى»، - دەلىنگەن باس پروكۋراتۋرانىڭ حابارلاماسىندا.

قىرعىز رەسپۋبليكاسىنىڭ زاڭناماسىنا سايكەس، قىلمىسكەرلەر قىلمىس جاسالعان جەردە جازاعا تارتىلادى. قىرعىز رەسپۋبليكاسىنىڭ ازاماتتارى سانالاتىن تۇلعالارعا باسقا مەملەكەتتىڭ ازاماتتىعىنىڭ بەرىلۋى زاڭسىز دەپ تانىلادى. ەلدىڭ قۇقىققورعاۋ ورگاندارى قىرعىز رەسپۋبليكاسىنىڭ زاڭناماسى جانە ۇلتتىق مۇددەنى قورعاۋ اياسىندا تەرگەۋدى جالعاستىرىپ جاتىر.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات