+7 (701) 759 90 19 Лента
9 °С : نۇر-سۇلتان
17 °С : الماتى
USD 385.16 EUR 425.95
RUB 6.01 CNY 54.51
جاڭالىقتار

قازاقستاندىق عالىمدار قىتاي كومپانياسىنىڭ وكىلدەرىمەن كەزدەستى

23 تامىز 20:14
:ءبولىسۋ
قازاقستاندىق عالىمدار قىتاي كومپانياسىنىڭ وكىلدەرىمەن كەزدەستى

بەيجىڭ. قازاقپارات - قازاقستاندىق عالىمدار قىتايدىڭ جوعارى تەحنولوگيالىق كومپانيالاردىڭ وكىلدەرىمەن كەزدەستى، دەپ حابارلايدى قازاقپارات.

قازاقستاننىڭ جەتەكشى جوعارى وقۋ ورنى بولىپ تابىلاتىن ءال- فارابي اتىنداعى قازۇۋ، قىتاي سەرىكتەستەرىمەن جوعارى تەحنولوگيالار سالاسىنداعى ىنتىماقتاستىقتى ودان ءارى كەڭەيتۋدە. قازۇۋ رەكتورى، اكادەميك عالىم مۇتانوۆ باستاعان دەلەگاتسيانىڭ بەيجىڭ قالاسىنا جۇمىس ساپارى بارىسىندا بەلگىلى جوعارى تەحنولوگيالىق كومپانيالاردىڭ وكىلدەرىمەن كەزدەسۋلەر ءوتتى.

ايتا كەتەرلىك جايت، قىتايدىڭ حالىقارالىق ىنتىماقتاستىق جانە دامۋ جونىندەگى مەملەكەتتىك اگەنتتىك وكىلدەرى قازۇۋ- عا جۋىردا كەلگەندە ج و و- نىڭ ءىت- ينفراقۇرىلىمى مەن كادرلار دايارلاۋ دەڭگەيىنە، سونداي- اق ۋنيۆەرسيتەتتىڭ عىلىمي- زەرتتەۋ الەۋەتىنە جوعارى باعا بەردى. سۋپەركومپيۋتەر مەن IT- تەحنوپاركىن ورنالاستىرۋعا ارنالعان نىسانداردىڭ دايىندىق بارىسىمەن تانىسقاننان كەيىن، ولار جوبانىڭ ءساتتى جۇزەگە اسىرىلاتىنىنا سەنىم ءبىلدىردى.

قازاقستان رەسپۋبليكاسىنىڭ پرەزيدەنتى قاسىم- جومارت توقايەۆتىڭ قىتايعا ءىس- ساپارى قارساڭىندا قازۇۋ دەلەگاتسياسى بەيجىڭدە ق ح ر ۇكىمەت گرانتى بويىنشا ۇسىنىلاتىن سۋپەركومپيۋتەردى جەتكىزۋ جوباسى بويىنشا باس قوستى. ق ح ر كوممەرتسيا مينيسترلىگىنىڭ وكىلدەرىمەن جانە باسقا دا سەرىكتەستەرمەن عىلىمي- تەحنيكالىق ىنتىماقتاستىقتى كەڭەيتۋ، سونداي- اق قازاقستاندىق جوو بازاسىندا جاڭا جىبەك جولى ۋنيۆەرسيتەتتەرىنىڭ حالىقارالىق اليانسىنىڭ IT تەحنوپاركىن قۇرۋ جوباسىن جۇزەگە اسىرۋ ماسەلەلەرى تالقىلاندى.

بەيجىڭدەگى كەزدەسۋلەر بارىسىندا ونىمدىلىگى جوعارى سەرۆەرلەر مەن دەرەكتەردى ساقتاۋ جۇيەلەرىن بىرلەسىپ ازىرلەپ شىعارۋ جوباسىن جۇزەگە اسىرۋ، سونىمەن قاتار سۋپەركومپيۋتەرلىك ەسەپتەۋلەر مەن Big data سالاسىنداعى زەرتتەۋلەر جۇرگىزۋ ماسەلەلەرى قاراستىرىلدى. وسىنداي جوبالاردىڭ تابىستى جۇزەگە اسىرىلۋى «سيفرلىق قازاقستان» مەملەكەتتىك باعدارلاماسىن ورىنداۋعا ىقپال ەتىپ، ەلدىڭ ەكونوميكاسىن جاڭعىرتۋ جانە عىلىمدى قاجەتسىنەتىن تەحنولوگيالار سالاسىن دامىتۋ درايۆەرلەرىنىڭ ءبىرى بولادى.

سونداي- اق، قازۇۋ دەلەگاتسياسى ق ح ر عىلىم اكادەمياسىنىڭ جەردى قاشىقتىقتان زوندتاۋ (ج ق ز) ينستيتۋتىنىڭ وكىلدەرىمەن كەزدەستى. قازۇۋ- دا اشىلعان قازاقستان- قىتاي ج ق ز بىرلەسكەن ورتالىعىن ودان ءارى دامىتۋ جونىندە كەلىسىمگە قول جەتكىزىلدى. جاڭا وقۋ جىلىنان باستاپ ماگيسترانتتار مەن دوكتورانتتار ق ح ر عىلىم اكادەمياسىنىڭ اەروعارىشتىق اقپارات عىلىمي- زەرتتەۋ ينستيتۋتىندا عىلىمي تاعىلىمدامادان وتەتىن بولادى.

ج ق ز ورتالىعى ۋنيۆەرسيتەتتىڭ ساندىق ماقساتتى جوباسى بولىپ تابىلادى، ونىڭ جۇمىسى قولدانبالى، تەحنولوگيالىق، عىلىمي جانە ءبىلىم بەرۋ مىندەتتەرىنىڭ كەڭ سپەكترىن شەشۋگە باعىتتالعان. قازىرگى ۋاقىتتا قازۇۋ- دىڭ جاس عالىمدارى مەن ستۋدەنتتەرى ق ح ر عىلىم اكادەمياسىنىڭ اەروعارىشتىق اقپارات عىلىمي- زەرتتەۋ ينستيتۋتىندا ءبىلىم الىپ، تاعىلىمدامادان وتۋدە. الدىڭعى قاتارلى سيفرلىق تەحنولوگيالاردى ترانسفەرتتەۋ مەن پايدالانۋ جەرگىلىكتى جەردىڭ عارىشتىق تۇسىرىلىمدەرىن، گەولوگيادا جانە كارتاعا ءتۇسىرۋ كەزىندە زەرتتەۋلەر جۇرگىزۋ، تابيعي جانە تەحنوگەندىك سيپاتتاعى جاعدايلاردى بولدىرماۋ، قورشاعان ورتا مونيتورينگى جانە تاعى باسقا جۇمىستاردى اتقارۋعا ۇلكەن مۇمكىندىكتەر اشۋدا.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات