+7 (701) 759 90 19 Лента
5 °С : نۇر-سۇلتان
17 °С : الماتى
USD 386.70 EUR 427.15
RUB 6.06 CNY 54.57
جاڭالىقتار

قازاق قوعامى ابايدى تولىق تۇسىنبەي جاتىر- مەكەمتاس مىرزاحمەت ۇلى

23 تامىز 19:12
:ءبولىسۋ
قازاق قوعامى ابايدى تولىق تۇسىنبەي جاتىر- مەكەمتاس مىرزاحمەت ۇلى

نۇر- سۇلتان. قازاقپارات - ەلورداداعى ۇلتتىق اكادەميالىق كىتاپحانا اباي پوەزياسىنىڭ 130 جىلدىعىن اتاپ ءوتتى، دەپ حابارلايدى قازاقپارات ءتىلشىسى.

قازىرگى كۇنتىزبە بويىنشا ابايدىڭ شىنايى تۋعان كۇنى 23 - تامىزعا سايكەس كەلەدى. زيالى قاۋىم بىتكەن وسى كۇندى تويلاپ جاتقاندا ۇلتتىق اكادەميالىق كىتاپحانا اباي پوەزياسىنىڭ 130 جىلدىعىنا ارنالعان دوڭگەلەك ۇستەل وتكىزدى.

اقىن، ابايتانۋشى الماحان مۇحامەدقالي قىزىنىڭ سوزىنە قاراعاندا، وسىدان 130 جىل بۇرىن ابايدىڭ 10 ولەڭى ەل اراسىنا ءوز اتىنان تاراعان.




«بيىل ابايدىڭ 10 ولەڭىنە 130 جىل تولادى. اتاپ ايتساق، «ەسىڭدە بار ما جاس كۇنىڭ» ، «جۇرەگىم مەنىڭ قىرىق جاماۋ» ، «ادام ءبىر بوق كوتەرگەن بوقتىڭ قابى» ، «كۇشىك اسىراپ يت ەتتىم» ، «سۇيسىنە المادىم، سۇيمەدىم» ، «ءدۇتبايعا» ، «نۇرلى اسپانعا تىرىسىپ وسكەنسىڭ سەن» اتتى ولەڭدەرى مەن م. لەرمونتوۆتان اۋدارعان «جالاۋ» ، «جارتاس» ، «جۇرەكتە كوپ قازىنا بار، ءبارى جاقسى» سياقتى تۋىندىلارى جارىق كورگەن» ، - دەيدى عالىم.

ايتۋلى شاراعا ابايتانۋشى مەكەمتاس مىرزاحمەت ۇلى، ق ر جازۋشىلار وداعىنىڭ ءتوراعاسى ۇلىقبەك ەسداۋلەت، فيلوسوف عاريفوللا ەسىم، جازۋشىلار وداعىنىڭ نۇر- سۇلتان قالالىق فيليالىنىڭ ديرەكتورى داۋلەتكەرەي كاپ ۇلى باستاعان عالىمدار مەن ادەبيەت وكىلدەرى قاتىستى.



جيىندا ءسوز العان عالىم مەكەمتاس مىرزاحمەت ۇلى قازاق قوعامى ابايدى جاتتاۋ جاعىنان الدىنا جان سالماي كەتكەنىمەن، تولىق تۇسىنبەي جاتقانىن ايتتى.

«ابايدى جاتتاۋ بار دا، ءتۇسىنۋ بار. جاتتاۋدان الدىمىزعا جان سالماي جۇرسەك تە، كوبىنەسە تۇسىنبەي قالامىز. ونىڭ سەبەبى كوپ. ابايدىڭ رۋحاني الەمى مەن ءپالساپالىق ليريكاسىنا ەۋروپا دا، شىعىس تا جەتە الماعان. ءقازىر الەمدىك دۇنيەتانىم وزگەردى. ابايدان قالعان«تولىق ادام ءىلىمى» دەيتىن ءبىر ۇلى مۇرا بار. قازىر وسى ءىلىم قازاقستانداعى 8 ۋنيۆەرسيتەتتە وقىتىلىپ جاتىر. سونىڭ مونوگرافياسىن جازىپ ءبىتىردىم. ءتۇبى بۇل ءىلىمدى بۇكىل الەم زەرتتەپ، وقيتىن بولادى. سەبەبى ونداي تەرەڭ ءىلىم ەۋروپادادا، مىنا ىرگەدەگى قىتايدا دا جوق» ، - دەدى ابايتانۋشى.

#Abai175 چەلەندجىنە ءۇن قوسىپ، ق ر پرەزيدەنتى قاسىم- جومارت توقايەۆقا پوەزيا ەستافەتاسىن ۇسىنعان ءلايلىم- شىراق ەرلان قىزى دا دوڭگەلەك ۇستەلگە قاتىسىپ، ۇلى اقىننىڭ ولەڭىن مانەرلەپ وقىدى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات