رەسەيدىڭ «ۇلكەن جەتىلىككە» ورالۋ ماسەلەسى قىزۋ تالقىلانۋدا

نۇر-سۇلتان. قازاقپارات -  فرانسيادا وتەتىن «ۇلكەن جەتىلىك» سامميتى تاقاعان سايىن وعان رەسەيدى قايتا شاقىرۋ جونىندە پىكىرتالاس قىزدى، دەپ حابارلايدى «حابار 24».

 فرانسيا پرەزيدەنتى ەممانيۋەل ماكرون مەن ا ق ش باسشىسى دونالد ترامپ مۇنى قولداسا،  ۇلى بريتانيا مەن گەرمانيا وعان قارسى.

 بىرىككەن كورولدىكتىڭ پرەمەر- ءمينيسترى بوريس دجونسون مەن گەرمانيا كانسلەرى انگەلا مەركەل «رەسەيدى «ۇلكەن جەتىلىككە» قايتا كىرگىزۋ ءالى ەرتە» دەيدى. «وعان ماسكەۋدىڭ ۋكراينانىڭ ىشكى ىستەرىنە ارالاسىپ، قىرىمدى جاۋلاپ الۋى سەبەپ» دەگەندى العا تارتادى.

 ايتا كەتەيىك، رەسەي 1997 -جىلدان 2014 -جىلعا دەيىن «ۇلكەن جەتىلىك» سامميتىنە قاتىسىپ كەلگەن. الايدا 2014 -جىلعى ۋكرايناعا قارسى ارەكەتتەن كەيىن ودان شىعارىلدى.