+7 (701) 759 90 19 Лента
8 °С : نۇر-سۇلتان
17 °С : الماتى
USD 386.70 EUR 427.15
RUB 6.06 CNY 54.57
جاڭالىقتار

يزرايل كولىك تۇراعى تاپشىلىعىن قالاي جويماق

23 تامىز 16:33
:ءبولىسۋ
يزرايل كولىك تۇراعى تاپشىلىعىن قالاي جويماق

نۇر-سۇلتان. قازاقپارات - يزرايل كولىك تۇراعى تاپشىلىعى ماسەلەسىن ءبىرجولاتا شەشپەك. ول ءۇشىن ايىپپۇل كولەمىن ۇلعايتۋمەن قاتار بالامالى كولىك تۇرلەرىن پايدالانۋعا ەنگىزۋگە دەيىنگى باستامالار قابىلدانعان، دەپ حابارلايدى «حابار 24».

بۇگىندە تەل- اۆيۆتە تۇراق ورىندارىنىڭ جەتىسپەۋشىلىگى وتكىر سەزىلەدى. جالپى بۇل الەمنىڭ كەز كەلگەن ءىرى مەگاپوليستەرىنە ءتان قۇبىلىس. اۆتوتۇراقتان ورىن تابۋ قيامەتتىڭ قايىمى ەكەنىن ءىرى شاھارداعى كولىك جۇرگىزۋشىلەرى جاقسى بىلەدى. سوندىقتان دا تۇراقتا توقتاۋ ەرەجەلەرى وتە قاتاڭ.

بىردەن ايىپپۇل سالىنادى. كولىكتى تەك رۇقسات ەتىلگەن ورىنداردا عانا قالدىرۋعا بولادى. ەگەر جول جيەكتاسى سۇر ءتۇستى بولسا، دەمەك ەشقانداي شەكتەۋدىڭ جوق بولعانى. كوك- اق جولاقتار اقىلى تۇراق دەگەندى بىلدىرەدى. ال تولەمدى موبيلدى قوسىمشا نەمەسە ارنايى پاركوماتتار ارقىلى جاساۋعا بولادى. ءوز كەزەگىندە جولاي جولاۋشىلاردى ءتۇسىرۋ نە مىنگىزۋ ءۇشىن قىزىل- اق ءتۇستى جولاق جانىنا جەتۋ قاجەت. ال قارا- اقپەن بەلگىلەنگەن جەرلەردە مۇلدەم توقتاۋعا بولمايدى.

مەيتال اۆي، تەل- اۆيۆ قالاسى مەرىنىڭ ورىنباسارى:

- باستى پروبلەما قالا ورتالىعىنداعى جاعداي بولىپ تۇر. مۇندا اۆتوتۇراقسىز سوعىلعان ەسكى ۇيلەر وتە كوپ. كوپقاباتتى عيماراتتىڭ يەلەرىنە كولىكتەردى قويۋعا ەكى قابات ءبولۋ جونىندە ەسكەرتۋ جاساعانىمىزعا قاراماستان، اۆتوتۇراق الاڭدارى ءالى دە جەتكىلىكسىز. سوندىقتان ورتالىقتاعى كولىك سانىن قىسقارتۋدى قولعا الدىق. جاڭا تۇرعىن ۇيلەردە تۇراق ماسەلەسى ءبىرشاما رەتكە كەلتىرىلگەن. سەبەبى وندا قوعامدىق اۆتوتۇراقتار بار.

بۇعان قوسا، يزرايلدە 2000 -جىلدان باستاپ ءاربىر پاتەرگە كەمىندە ءبىر اۆتوتۇراقتان ءبولۋ زاڭى كۇشىنە ەنگەن. جالپى، بۇگىندە قالا اكىمشىلىگى تۇراق ماسەلەسىن تەك ايىپپۇل سالۋمەن عانا شەشىپ جاتقان جوق. ول جالپاق جۇرتقا ۆەلوسيپەد پەن ساموكاتتاردى دا ناسيحاتتاپ كەلەدى. بۇدان بولەك، كارشەرينگ ياعني كولىكتى قىسقا مەرزىمگە جالعا الۋ قىزمەتى دە قارقىندى دامىپ جاتىر.

ەندي ەفيموۆيچ، ساراپشى:

- كارشەرينگتىڭ ءتيىمدى تۇسى، ءسىز كولىككە يەلىك ەتپەيسىز. جانە ونى تەك دىتتەگەن جەرىڭىزگە جەتۋ ءۇشىن عانا قولداناسىز. سەرۆيستىڭ ىڭعايلى بولۋى ءۇشىن تەل- اۆيۆتە ول ءۇشىن ارنايى تۇراقتار قاراستىرىلعان. جاقىن ارادا تەل- اۆيۆ ورتالىعىندا جەكە كولىكپەن ءجۇرۋ مۇمكىن بولمايدى. وعان بالاما رەتىندە قوعامدىق كولىك، ۆەلوسيپەد نەمەسە تاعى باسقا كولىك تۇرلەرىنە باسىمدىق بەرىلەدى. سوندىقتان قالاعا كىرەبەرىستە بىرنەشە ءىرى اۆتوتۇراق كەشەندەرى تۇرعىزىلدى. جۇرگىزۋشىلەر سوندا كولىكتەرىن قالدىرىپ، قالاعا شاتتلمەن جەتەدى. مۇنداعى ماقسات قالاعا كولىك سانىنىڭ ارتۋىنا توسقاۋىل جاساۋ.

www.24.kz


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات