بولات باقاۋوۆ ۇستازدارعا قازاق تىلىندە وقىتۋ ساپاسىن ارتتىرۋدى تاپسىردى

None
None
پاۆلودار. قازاقپارات - پاۆلوداردا وبلىس باسشىسى بولات باقاۋوۆتىڭ قاتىسۋىمەن پەداگوگتاردىڭ ءداستۇرلى تامىز كونفەرەنتسياسى ءوتىپ جاتىر، دەپ حابارلايدى قازاقپارات pavlodarnews.kz سايتىنا سىلتەمە جاساپ.

بولات باقاۋوۆ ءبىلىم بەرۋ سالاسىنىڭ قىزمەتكەرلەرىن جاڭا وقۋ جىلىنىڭ باستالۋىمەن قۇتتىقتاپ، ساتىلىك پەن تابىس تىلەدى.

«وتكەن وقۋ جىلى قۋانىشقا تولى بولدى. «ۇستازى جاقسىنىڭ - ۇستامى جاقسى» دەمەكشى، بارلىعىمىز دا ۇستازداردىڭ الدىنان وتتىك. بالا تاربيەسى بەسىكتەن باستالادى. ءبىزدىڭ باستى ماقساتىمىز - كەيىنگى ۇرپاققا يگى ءداستۇردى دارىپتەۋ. بۇل بالالاردى مەملەكەتتىك تىلدە ءبىلىم بەرەتىن بالاباقشالارعا بەرۋدەن باستالادى. جاستارعا انا تىلىندە ءبىلىم بەرۋ بويىنشا جۇمىستى جالعاستىرۋ كەرەك. مەملەكەتتىك ءتىل - ۇلتتىڭ رۋحاني تىرەگى» ، - دەدى بولات باقاۋوۆ.


وبلىس اكىمى بالالاردى قازاق تىلىندە وقىتۋ ءۇشىن مەكتەپ جاسىنان بارىنشا جاعداي جاساۋ تۋرالى تاپسىرماسىن ەسكە سالدى.

«بارلىق بالاباقشالاردا قازاق تىلىندە ءبىلىم بەرەتىن ولكەتانۋ كۋرستارى اشىلدى. اتا- انالاردىڭ سۇرانىسى بويىنشا وتكەن جىلى قازاق تىلىندەگى ءبىلىم بەرەتىن سىنىپتار 3 جانە 8 گيمنازيالاردا اشىلعان. ءۇش جىل ىشىندە بارلىق پەداگوگتار قاۋىمداستىعىنىڭ الدىندا ەڭ ۇزدىك تاجىريبەلەر مەن تەحنولوگيالاردى قولدانۋ ارقىلى قازاق تىلىندە وقىتۋ ساپاسىن ارتتىرۋدى تاپسىرامىن. وكىنىشكە وراي، بۇگىندە بالالار قازاق تىلىندە سويلەي قويمايدى. سوندىقتان وقىتۋ ادىستەمەسىن تولىعىمەن قايتا قاراستىرۋ كەرەك» ، - دەدى ايماق باسشىسى.

«BİLİM JÁNE ǴYLYM» تاقىرىبىنداعى تامىز كەڭەسىنە 800 گە جۋىق ادام قاتىسۋدا. ونىڭ ىشىندە اۋداندىق، قالالىق ءبىلىم بەرۋ بولىمدەرىنىڭ باسشىلارى، ءبىلىم بەرۋ سالاسىنىڭ ارداگەرلەرى، وبلىس باسقارمالارىنىڭ باسشىلارى، جوو رەكتورلارى، ءبىلىم بەرۋ مەكەمەلەرىنىڭ ديرەكتورلارى مەن ۇستازدارى جانە جاس ماماندار بار.

سوڭعى جاڭالىقتار