+7 (701) 759 90 19 Лента
26 °С : نۇر-سۇلتان
25 °С : الماتى
USD 385.42 EUR 424.58
RUB 6.00 CNY 54.31
جاڭالىقتار

ءۇندىستاندىق ايەل قازا بولعان ۇلىنىڭ جۇرەگىن قازاقستاندىق قىزعا بەردى

23 تامىز 15:47
:ءبولىسۋ
ءۇندىستاندىق ايەل قازا بولعان ۇلىنىڭ جۇرەگىن قازاقستاندىق قىزعا بەردى

نۇر-سۇلتان. قازاقپارات - كوكشەتاۋدا 14 جاستاعى ديلنازعا جول اپاتىنان قايتىس بولعان ءۇندى بالانىڭ جۇرەگى اۋىستىرىلىپ سالىنعان. ديلنازدىڭ بۇگىندە ەكى اناسى بار، دەپ جازادى Tengrinews.kz.

دارىگەرلەر قىزدىڭ اتا- اناسىنا قورقىنىشتى دياگنوزدى كەڭەيتىلگەن كارديوميوپاتيا تۋرالى حابارلاعان كەزدە ديلناز يسانوۆا ءۇش جاستا ەدى. بۇل اۋرۋ ميوكاردتىڭ جۇمىسىن بۇزادى جانە ادامدى جۇرەك جەتكىلىكسىزدىگىنە اكەلەدى. اتا- انالار انار مەن تولەگەن يسانوۆ بالانىڭ ءومىرى ءۇشىن كۇرەسۋگە بەل بۋدى. ولار ماسكەۋگە اتتانىپ، كومەكتەسە الاتىن كارديولوگتاردى ىزدەپ كەتتى. الايدا ولاردان شىعۋدىڭ ءبىر عانا جولى - جۇرەككە ترانسپلانتاتسيا جاساۋ تۋرالى ايتىلدى، ال 2008 -جىلدان باستاپ يسانوۆتار وتا جاساۋعا كۆوتا جينادى.


وسىلايشا جەتى جىل كۇتۋگە تۋرا كەلدى. 2015 -جىلدىڭ جازىندا 10 جاسار ديلناز كوپتەن كۇتكەن كۆوتانى الىپ، ءۇندىستانعا كەتتى.

ءۇندى جىگىتى اديت اكەسى پاۋلسونمەن بىرگە قاتتى اپاتقا ۇشىراعان. ولاردىڭ كولىگى مەكتەپ اۆتوبۋسىمەن سوقتىعىسقان. بالا اۋىر جاراقاتتار الدى، دارىگەرلەر ميىنىڭ ولگەنىن اتاپ ءوتتى.

ۇلىنىڭ اعزالارىن ترانسپلانتاتسيالاۋ ءۇشىن باسقا ناۋقاستارعا بەرۋ تۋرالى شەشىمنىڭ اۋىرلىعى اناسى شينسيدىڭ موينىنا ءتۇستى. بالانىڭ اكەسى اپاتتان كەيىن جانساقتاۋ بولىمىندە بولدى. شينسيدىڭ بۇل شەشىمىن بۇكىل ءۇندى وتباسى، اسىرەسە بالانىڭ اجەسى قولدادى. ولار بالانىڭ ءولىمى بەكەر بولماۋى كەرەك ، بىرنەشە ادامنىڭ ءومىرىن قۇتقارۋى كەرەك دەپ ەسەپتەدى.

2015 جىلدىڭ 18 - تامىزىندا ترانسپلانتولوگ كوماراكشا بالاكريشنانىڭ باقىلاۋىمەن وپەراتسيا جاسالدى.

دوكتور بالاكريشنان - بالالار مەن ەرەسەكتەرگە 25 مىڭنان استام وپەراتسيا جاساعان ايگىلى كارديوحيرۋرگ. ءۇندىستاندا جۇرەك پەن وكپە ترانسپلانتاتسياسىنىڭ نەگىزىن قالاۋشى. ديلناز وپەراتسياسى بالاكريشناننىڭ دەنساۋلىق ساقتاۋ مينيسترلىگىمەن جانە ۇلتتىق عىلىمي كارديوحيرۋرگيا ورتالىعىنىڭ جەتەكشىسى يۋريي پيامەن بىرلەسكەن جۇمىسىنىڭ كومەگىمەن مۇمكىن بولدى.

اديتتىڭ اناسى قاتتى كۇيزەلىس جاعدايىندا بولدى. ول ۇيدەن شىقپاي، تەك عيباداتحانا مەن ۇلىنىڭ قابىرىنە باردى.

ءتورت جىلدان سوڭ ديلنازبەن كەزدەسكەندە ول جىلاپ جىبەرىپ، كۇنى بويى قىزدىڭ قولىن ۇستاپ، قۇشاقتادى. بالاسىنىڭ ديلنازدىڭ كەۋدەسىندە سوعىپ تۇرعانىن ەستىدى. ول جىلدار بويى العاش رەت ءوزىن باقىتتى سەزىنگەنىن مويىندادى.

«مەن ءاديتتىڭ اناسىنا وسىنداي قادامى ءۇشىن وتە ريزامىن. ونىڭ ىزگىلىگى قىزىما ءومىر سۇرۋگە ەكىنشى مۇمكىندىك بەردى»، - دەدى ءديلنازدىڭ اناسى انار.


باستى سوزدەر: الةم, دةنساؤلئق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات