الماتىلىق الپينيستەردى ىزدەۋ جۇمىستارى توقتاتىلدى
جوعالىپ كەتكەن الپينيستەردى ىزدەۋگە شىققان اسكەري الپينيستەر قايتىپ كەلدى. بۇعان دەيىن اق- ساي تريەۆەل كومپانياسى بولعان اپاتتىڭ حرونيكاسىن ايتىپ، الپينيستەردى ءتىرى تابۋعا مۇمكىندىك جوق ەكەنىن ايتقان ەدى.
ەسكە سالساق، الماتىلىق مۇرات وتەپبايەۆ، اندرەي كورنەيەۆ جانە كوز جۇمعان الەكساندر چەچۋلين قىرعىزستانداعى «جەڭىس» شىڭىندا قارلى بورانىڭ استىندا قالعان.
الماتى قالاسىنىڭ اكىمى باقىتجان ساعىنتايەۆ تاۋدا قازاقستاندىق الپينيستەر توبىنىڭ جوعالىپ كەتۋىنە قاتىستى Instagram پاراقشاسىندا الاڭداۋشىلىق ءبىلدىردى.
كەيىنىرەك جوعالعان الپينيستەردىڭ ءبىرىنىڭ قىزى الەۋمەتتىك جەلى ارقىلى قالىڭ كوپشىلىكتەن كومەك سۇرادى.
سونداي- اق، قر قورعانىس مينيسترلىگى الپينيستەردى قۇتقارۋ وپەراتسياسىن باستادى.
قر قارۋلى كۇشتەرىنىڭ اسكەري قىزمەتشىسى، كاپيتان ماقسۇت جۇمايەۆ قىرعىزستان تاۋلارىندا جوعالعان قازاقستاندىق الپينيستەردى ىزدەستىرۋ جۇمىستارى تۋرالى ايتقان بولاتىن.
اۋا رايىنىڭ قولايسىزدىعى الماتىلىق الپينيستەردى ىزدەۋگە كەدەرگى كەلتىردى.
اۆتور:الما مۇقانوۆا