تانىمال سپورتشى الماتى اكىمىنىڭ كەڭەسشىسى بولدى

None
None
الماتى. قازاقپارات- تانىمال قازاقستاندىق سپورتشى ءارى قوعام بەلسەندىسى ۋاليحان تەن الماتى قالاسىنىڭ اكىمى باقىتجان ساعىنتايەۆتىڭ كەڭەسشىسى بولدى، دەپ حابارلايدى قازاقپارات ءتىلشىسى.

ول سپورت بويىنشا اكىمنىڭ شتاتتان تىس كەڭەسشىسى بولدى. بۇل تۋرالى ونىڭ Instagram-داعى پاراقشاسىندا ايتىلدى.

ۋاليحان تەن، 1979-جىلى تۋعان. تەننىڭ ەكى جوعارعى ءبىلىمى بار. ول ەنەرگەتيكا جانە بايلانىس ينستيتۋتىن، سونداي-اق سپورت جانە تۋريزم اكادەمياسىن بىتىرگەن. تەن - پاۋەرليفتينگ بويىنشا الەم، ەۋروپا جانە ازيا چەمپيونى، بوديبيلدينگتەن ق ر چەمپيونى، ەكى دۇركىن الەم جانە ازيا چەمپيونى، پاۋەرليفتينگ بويىنشا ەۋروپا چەمپيونى.

قازىرگى ۋاقىتتا - World Class Almaty فيتنەس-كلۋبىنىڭ باسقارۋشى ديرەكتورى. ول سونىمەن بىرگە WRPF KZ پاۋەرليفتينگ فەدەراتسياسىنىڭ جانە WPC KZ- ءتىڭ پرەزيدەنتى، WRPF- ءتىڭ قازاقستانداعى رەسمي وكىلى. 2018-جىلدىڭ اياعىنان باستاپ، م م ا ارالاس جاۋىنگەرلىك جەكپە-جەك فەدەراتسياسىنىڭ باس ديرەكتورى.

سونداي-اق، ول «Almaty Triathlon Federation» قوعامدىق بىرلەستىگىنىڭ جانە «ءبىرىنشى بولۋ باتىلدىق!» (الماتى مارافونى) كورپوروتيۆتىك قورىنىڭ قامقورشىلىق كەڭەستەرىنىڭ مۇشەسى.

2015-جىلى سپورتشى كوپجىلدىق تاجىريبە نەگىزىندە «درۋگوي تى!» كىتابىن جازدى، وندا دەنە شىنىقتىرۋ، تاماقتانۋ، كۇن ءتارتىبى جانە ت. ب. ساباقتار بويىنشا ۇسىنىستار ايتىلدى.

سوڭعى جاڭالىقتار