+7 (701) 759 90 19 Лента
15 °С : نۇر-سۇلتان
12 °С : الماتى
USD 386.77 EUR 427.26
RUB 6.00 CNY 54.56
جاڭالىقتار

زيالى قاۋىم ابايعا ارنالعان رۋحاني-تاعىلىمدىق شارادا باس قوستى

23 تامىز 13:56
:ءبولىسۋ
زيالى قاۋىم ابايعا ارنالعان رۋحاني-تاعىلىمدىق شارادا باس قوستى

نۇر-سۇلتان. قازاقپارات - ەلوردادا وتكەن «اباي الەمى» اتتى رۋحاني-تاعىلىمدىق ءىس-شارادا ەلىمىزگە بەلگىلى زيالى قاۋىم وكىلدەرى، ابايتانۋشىلار مەن قالا اكىمدىگىنىڭ وكىلدەرى باس قوستى، دەپ حابارلايدى قازاقپارات ءتىلشىسى.

الدىمەن، قازاقستان جازۋشىلار وداعىنىڭ ءتوراعاسى، اقىن ۇلىقبەك ەسداۋلەت، ەلوردا اكىمىنىڭ ورىنباسارى باقتيار ماكەن باستاعان شاراعا قاتىسۋشىلار اباي قۇنانباي ۇلىنىڭ ەسكەرتكىشىنە گۇل شوقتارىن قويدى. قۇرمانعازىنىڭ «سارىارقا» كۇيى ورىندالعاننان كەيىن باقتيار ماكەن جينالعانداردى ايتۋلى مەرەكەلى كۇنىمەن قۇتتىقتادى.


«ۇلى اباي - قازاق حالقىنىڭ ۇلتتىق بولمىسى، بەت-بەينەسى. اباي مەن قازاق بۇگىن دە ەگىز ۇعىمعا اينالدى. اباي داڭعىلى، اباي ءسوزى، اباي قالىپتاستىرعان ادامدىق فورمۋلاسى، رۋحاني-ادەبي مەكتەبى وسى كۇنى حالىقتىڭ ايناسىنا، ەلدىك مۇراسىنا نەگىزدەلىپ، قازاق ءسوزىنىڭ ءسينونيمى سەكىلدى ۇلكەن مانگە يە بولدى. ۋاقىت وتكەن سايىن اباي مۇراسى تۋعان ەلىنىڭ ۇلتتىق مىنبەرىنە شىعىپ، تۇعىرلانىپ كەلەدى. اباي حاكىمنىڭ قارا سوزدەرى - عيبراتى مول قازىنا ەكەنىن ۋاقىت پەن تاريحتىڭ ءوزى دالەلدەدى. ۇلى ابايدىڭ قارا سوزدەرى بۇگىن دە ۇرپاقتىڭ جادىندا جاڭعىرىپ تۇر. بيىلدان باستاپ قازاق ەلىندە باس اقىننىڭ 175 جىلدىعىنا دايىندىق جۇمىستارى باستالىپ كەتتى. ق ر پرەزيدەنتى قاسىم-جومارت توقايەۆتىڭ الەۋمەتتىك جەلى ارقىلى اباي ولەڭدەرىنەن ءۇزىندى وقۋ ەستافەتاسىن زور قۋانىشپەن بارلىق ەل قولداپ، دانىشپان ابايدىڭ 175 جىلدىعىن اتاپ ءوتۋى كەرەكتىگى جونىندە باستاما كوتەردى. قازىر بۇل ەستافەتا بۇكىل رەسپۋبليكا دەڭگەيىندە ءجۇرىپ جاتىر»، - دەدى ول.


وسىدان كەيىن ورتاعا پرەزيدەنت قاسىم-جومارت توقايەۆقا اباي ولەڭىنەن ءۇزىندى وقۋ ەستافەستاسىن جولداعان ءلايلىم-شىراق ەرلان قىزى شىعىپ، ابايدىڭ «عىلىم تاپپاي ماقتانبا» ولەڭىن وقىپ بەردى. مانەرى ەرەك وقۋشىنىڭ ونەرىنە ءتانتى بولعان قالا اكىمىنىڭ ورىنباسارى ب. ماكەن ءلايلىم-شىراققا اقىننىڭ كىتابىنىڭ ءبىرىن سىيعا تارتتى. ءداستۇرلى ءانشى ەرلان رىسقالي شىرقاعان ابايدىڭ «سەگىزاياعى» جينالعان جۇرتشىلىقتىڭ كوڭىلىن كوتەرىپ جىبەردى.


«قازاقتىڭ كەمەڭگەرى، عۇلاماسى، اقىل-ويدىڭ قول جەتپەس مۇناراسى دەپ ايتاتۇعىن اباي اتامىزدى ءبىز پايعامبارعا تەڭەيمىز. پايعامبار بولعاندا ول كىسى ءدىننىڭ پايعامبارى ەمەس، ءدىلدىڭ، ءتىلدىڭ، پوەزيانىڭ پايعامبارى. ءبىزدىڭ ۇلتىمىز، قوعامىمىز سوڭعى عاسىردىڭ كولەمىندە قانداي جەتىستىكتەرگە قول جەتكىزسە، سونىڭ بارلىعىندا اباي اتامىزدىڭ ۇلەسى بار دەپ ايتۋعا بولار ەدى. پاراسات، پايىم، ادامگەرشىلىك، ىزگىلىك، يمان، قايىرىمدىلىق، مەيىرىمدىلىك دەيتىن ىزگى ۇعىمداردىڭ بارلىعى دا انانىڭ سۇتىمەن، اكەنىڭ تاربيەسىمەن قوسا وسى ابايدىڭ جىرىمەن بىرگە ۇرپاقتىڭ قانىنا ەنىپ، جانىنا دارىپ جاتىر دەپ ايتار ەدىك»، - دەدى ءوز سوزىندە قازاقستان جازۋشىلار وداعىنىڭ ءتوراعاسى، اقىن ۇلىقبەك ەسداۋلەت.


ۇ. ەسداۋلەت ءوز سوزىندە ابايدىڭ 175 جىلدىعىنا ۇلكەن دايىندىق ءجۇرىپ جاتقانىن تىلگە تيەك ەتتى.

«ابايدىڭ 175 جىلدىعىن تويلاۋ جونىندە جارلىققا قول قويعان پرەزيدەنتىمىز قاسىم-جومارت كەمەل ۇلىنىڭ ءبىر ءوزىنىڭ بيلىكتەگى باسشىلىق جۇمىسىن وسى ابايدىڭ باسىنا بارىپ زيارات ەتكەندەي، ابايدىڭ الدىنا بارىپ جۇگىنگەندەي، ابايدان باتا العانداي يگى شارا دەپ قابىلدادىق. ابايدىڭ 175 جىلدىعى كەڭ كولەمدە اتالىپ وتەيىن دەپ جاتىر. ابايدىڭ شىعارمالارى الەمنىڭ 10 تىلىنە جاڭادان اۋدارىلماقشى. بۇرىنعى 125، 150 جىلدىعىندا باسقا تىلدە شىققان كىتاپتارى بار. دەسە دە، ول كەزدە ابايدى ءبىر عانا ورىس تىلىنەن اۋدارعان. ەندى ءاربىر شەت تىلدەرىنە تىكەلەي قازاق تىلىنەن اۋدارۋ قولعا الىنىپ جاتىر. وسى قالانىڭ دا اكىمىنە الدىن الا راحمەت ايتقىمىز كەلەدى. وسى سول جاعالاۋدان قالامگەرلەر اللەياسى اشىلايىن دەپ جاتىر. قالامگەرلەر اللەياسى اينالىپ كەلگەندە اقىندار مەن جازۋشىلاردىڭ اللەياسى. جازۋشىلار وداعىنىڭ وسىنداعى فيليالىنا شۇباردان ەكى قاباتتىق عيمارات بەرىلمەك. مەنىڭ ويىمشا، قالامگەرلەرگە كورسەتىلگەن قۇرمەت - اباي اتامىزعا كورسەتىلگەن قۇرمەت، ابايدىڭ ءىزباسارلارلارىنا كورسەتىلگەن قۇرمەت دەپ سانايمىن»، - دەپ ءتۇيدى ءسوزىن ۇلىقبەك ەسداۋلەت.


ايتا كەتسەك، ق ر پرەزيدەنتى مامىر ايىندا ابايدىڭ 175 جىلدىق مەرەيتويى تۋرالى جارلىققا قول قويعان بولاتىن.


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات