+7 (701) 759 90 19 Лента
5 °С : نۇر-سۇلتان
17 °С : الماتى
USD 386.70 EUR 427.15
RUB 6.06 CNY 54.57
جاڭالىقتار

قازاقستانداعى ەڭ تانىمال ماماندىقتار بەلگىلى بولدى

23 تامىز 13:33
:ءبولىسۋ
قازاقستانداعى ەڭ تانىمال ماماندىقتار بەلگىلى بولدى

الماتى. قازاقپارات - قازاقستانداعى ەڭ تانىمال ماماندىقتار قاتارىنا مەكتەپ مۇعالىمى جانە ەسەپشى كىردى، دەپ حابارلايدى قازاقپارات ءتىلشىسى Finprom.kz-كە سىلتەمە جاساپ.

«اعىمداعى جىلدىڭ ەكىنشى توقسانىنىڭ سوڭىندا جۇمىسپەن قامتىلعان تۇرعىندار سانى %1,5 عا ءوسىپ، 8,8 ميلليون ادامعا جەتتى. وتكەن جىلى بۇل 8,6 ميلليون ادامدى كورسەتكەن. 15 جاستان جوعارى حالىقتى جۇمىسپەن قامتۋ دەڭگەيى %66,7 قۇرايدى. جۇمىسپەن قامتىلعانداردىڭ باسىم بولىگى جالدامالى جۇمىسشىلارعا كەلەدى، ولاردىڭ ۇلەسى %76,1 نەمەسە 6,7 ميلليون ادام. ءوزىن-ءوزى جۇمىسپەن قامتىعانداردىڭ ۇلەسى %23,9 نەمەسە 2,1 ميلليون ادام «، - دەلىنگەن حابارلامادا.

2019-جىلدىڭ ەكىنشى توقسانىنىڭ سوڭىندا جالدامالى جۇمىسشىلار سانى 6,7 ميلليون ادامعا جەتتى. بۇل وتكەن جىلدىڭ سايكەس كەزەڭىمەن سالىستىرعاندا %1,5 كوپ.

جۇمىسپەن قامتىلعان حالىقتىڭ كوبى ءبىلىم بەرۋ سالاسىندا جۇمىس ىستەيدى. %16,1 نەمەسە 1,1 ميلليون ادام. سونىمەن قاتار، سۇرانىسقا يە قىزمەتتەردىڭ العاشقى ۇشتىگىنە ونەركاسىپ (%15,7 نەمەسە 1 ميلليون ادام)، كوتەرمە جانە بولشەك ساۋدا كىردى؛ اۆتوموبيلدەر مەن موتوتسيكلدەردى جوندەۋ قىزمەتىندە (%10,9 نەمەسە 724,9 مىڭ ادام).

ساراپشىلاردىڭ زەرتتەۋلەرىنە سايكەس، ەڭ تانىمال ماماندىقتاردىڭ العاشقى وندىعىندا مەكتەپ مۇعالىمدەرى كوش باستاپ تۇر. بەلگىلى بولعانداي، ءاربىر ورتا ءبىلىم بەرۋ مەكەمەسىندە 20 قىزمەتكەر جۇمىس ىستەيدى. جالپى، قازاقستاندا 352,2 مىڭ مۇعالىم بار.

كەلەسى ورىندا ەسەپشىلەر (بۋحگالتەرلەر) 268,2 مىڭ ادام.

ۇزدىك ۇشتىك قاتارىندا - سۋپەرۆايزەرلەر، ساتۋشىلار جانە ولاردىڭ كومەكشىلەرى بار - 256 مىڭ ادام.

ەكىنشى توقساننىڭ سوڭىندا جۇمىسسىزدار سانى 441,8 مىڭ ادامدى قۇرادى، بەس جىل ىشىندە ولاردىڭ سانى %4,2 ازايعان.

جۇمىسسىزداردىڭ باسىم بولىگى الماتىدا 50,3 مىڭ ادام. بۇل ەلدەگى جۇمىسسىزداردىڭ جالپى سانىنىڭ %11,4 قۇرايدى. الماتى وبلىسىندا 48 مىڭ ادام، تۇركىستان وڭىرىندە 42,1 مىڭ ادام جۇمىسسىزدار قاتارىندا.

15-28 جاس ارالىعىنداعى جۇمىسسىزدار سانى 81,1 مىڭ ادام.

حالىقتىڭ جۇمىسسىزدىق دەڭگەيى ءبىر جىل ىشىندە %4,9 دان %4,8 عا، دەيىن تومەندەدى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات