+7 (701) 759 90 19 Лента
15 °С : نۇر-سۇلتان
13 °С : الماتى
USD 386.77 EUR 427.26
RUB 6.00 CNY 54.56
جاڭالىقتار

ۇكىمەت باسشىسى اقتوبەدە تۇرعىن ءۇي قۇرىلىسىمەن تانىستى

23 تامىز 13:17
:ءبولىسۋ
ۇكىمەت باسشىسى اقتوبەدە تۇرعىن ءۇي قۇرىلىسىمەن تانىستى

اقتوبە. قازاقپارات - پرەمەر-مينيستر اسقار مامين جۇمىس ساپارىمەن اقتوبە وبلىسىنا كەلدى، دەپ حابارلايدى قازاقپارات ءتىلشىسى.

ۇكىمەت باسشىسى الدىمەن «نۇر اقتوبە» تۇرعىن ءۇي كەشەنىندەگى قۇرىلىس جۇمىستارىمەن تانىستى. مۇندا 27 كوپقاباتتى ءۇي سالىنىپ جاتىر. جوسپار بويىنشا بيىل وبلىستا 1 ميلليون شارشى مەتر تۇرعىن ءۇي پايدالانۋعا بەرىلەدى.

«جىل سوڭىنا دەيىن 1400 دەن استام پاتەر « نۇرلى جەر «باعدارلاماسىمەن بەرىلەدى. ال «باقىتتى وتباسى» باعدارلاماسى اياسىندا قالاداعى كوپبالالى وتباسىعا 40 سەرتيفيكات ۇلەستىرىلدى. بۇل - العاشقى جارنا بولادى»، - دەدى قالا اكىمىنىڭ ورىنباسارى ۇشقىن مىڭبايەۆ.

قالا اكىمى ماۆر ابدۋلليننىڭ ايتۋىنشا، بيىل بەس مىڭ پاتەر قولدانىسقا بەرىلەدى. ونىڭ ىشىندە 30 كوپقاباتتى ءۇي مەملەكەتتىك، 31 ءى كوممەرتسيالىق.

«ەڭ قيىنى - جەر كەزەگى. قازىر قالا بويىنشا 140 مىڭ ادام جەر الۋعا ءوتىنىش بەرگەن. بارلىعى 393 باۋ-باقشا ۇجىمى بار. ونىڭ 40 نا جەر تەلىمى ستاتۋسى بەرىلىپ جاتىر. ەندى ينفراقۇرىلىمىن جاڭارتۋ قاجەت. سۋ، گاز كەرەك. ولارعا 6,2 ميلليارد تەڭگە قارجى سۇرايمىز. 18 مىڭ جەر تەلىمىنە 8 جوبالىق-سمەتالىق قۇجات جاسالدى. مەملەكەت باسشىسىنىڭ قولداۋىمەن باستالعان «باقىتتى وتباسى» باعدارلاماسى بويىنشا 1090 ءوتىنىش ءتۇستى. ونىڭ 471 ءى «تۇرعىن ءۇي قۇرىلىس جيناق بانكى» ارقىلى تولەم قابىلەتىن راستادى. بۇعان 2 ميلليارد تەڭگە اقشا ءبولىنىپ، يگەرىلدى. تاعى 555 وتباسىنا قارجى سۇرالدى. ونى قىركۇيەكتە يگەرىپ، تاعى اقشا سۇراعىمىز كەلەدى»، - دەدى ماۆر ابدۋللين.

ايتا كەتەيىك، قالا بويىنشا كەزەكتە 24 مىڭ ادام پاتەر كەزەگىندە تۇر. ۇكىمەت باسشىسى باسپانامەن قامتاماسىز ەتۋ ماسەلەلەرىنەن حاباردار بولعان سوڭ، قۇرىلىس جۇمىستارىمەن تانىستى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات