ورالدىق كەلىنشەك ايگىلى لا-مانش بۇعازىن ءجۇزىپ ءوتتى
«جەرلەسىمىز انەل سىتدىقوۆا ايگىلى لا-مانش بۇعازىن ءجۇزىپ ءوتتى! وتكەن ءتۇنى انەل 38 شاقىرىم قاشىقتىقتى 15 ساعات 15 مينۋت ۋاقىتتا گيدروكوستيۋم كيمەي ءجۇزىپ ءوتتى. «قازاقستاننىڭ تەمىر حانشايىمى» اتاعىن بىرنەشە مارتە يەمدەنگەن ءبىزدىڭ ترياتلونشىمىز انەل سىتدىقوۆانى، باپكەرلەرىن، جاقىندارىن تاڭداي قاعۋعا تۇرارلىق ناعىز جەڭىسىمەن شىن جۇرەكتەن قۇتتىقتايمىن! سپورتشىلارىمىز جەتكەن جەتىستىك - ءبىز ءۇشىن دە زور مارتەبە»، - دەپ جازدى وبلىس باسشىسى.
«مارەگە سوڭعى شاقىرىمدار قالعاندا داۋىل باستالدى. مەنى اعىن الىپ كەتتى. سوندىقتان ۋاقىتىم تاعى ءبىر ساعاتقا جانە قوسىمشا 4-5 شاقىرىمعا سوزىلدى. قازىلار القاسى جالپى ۇزاقتىقتى 38 شاقىرىم دەپ تىركەدى»، - دەدى انەل سىتدىقوۆا.
Uralskweek سايتىنىڭ جازۋىنشا، بۇگىندە انەل وتباسىمەن انگليادا تۇرادى. 9 جىل بۇرىن ءتۇرلى ەلدەردە ترياتلون جارىستارىنا قاتىسا باستادى. ناتيجەسىندە الەمنىڭ ەڭ ۇزدىك سپورتشىلارىنىڭ قاتارىنا ەندى. ءاليا مەكتەپتى ورال قالاسىندا ءبىتىرىپ، جوعارى وقۋ ورنىن الماتىدا ۇزدىك اياقتاعان. كەيىن لوندون ۋنيۆەرسيتەتىن ءتامامدادى. جولداسى نۇرلانمەن بىرگە ءۇش بالانى تاربيەلەپ وتىر. سپورتشى كەلىنشەك «قازاقستاننىڭ تەمىر ايەلى» تيتۋلىنا يە. ول قازاقستان ايەلدەرى اراسىندا العاشقى ايرونمەن (Ironman) جانە العاشقى ۋلترامەن (Ultraman).
اتاپ وتىلگەندەي، ت م د ەلدەرىندە ونىڭ جەتىستىگىنە ءالى ەشكىم جەتكەن جوق.