ب ۇ ۇ قاۋىپسىزدىك كەڭەسى ا ق ش- تىڭ زىمىران سىناعىن تالقىلادى
قاۋىپسىزدىك كەڭەسىنىڭ تۇراقتى مۇشەلەرى رەسەي مەن قىتايدىڭ باستاماسىمەن شاقىرىلعان جيىن ب ۇ ۇ سايتىندا تىكەلەي ەفيردە كورسەتىلدى.
رەسەي مەن قىتاي بيلىكتەرى ۆاشينگتوننىڭ ءىس-قيمىلى حالىقارالىق قاۋىپسىزدىككە قاتەر توندىرەدى دەپ سانايدى.
قاۋىپسىزدىك كەڭەسىنىڭ وتىرىسىندا ا ق ش- تىڭ ب ۇ ۇ جانىنداعى تۇراقتى وكىلىنىڭ مىندەتىن اتقارۋشى دجوناتان كوەن رەسەيدى بۇعان دەيىن جاسالعان كەلىسىم تالاپتارىن بۇزىپ، زىمىران ازىرلەۋمەن اينالىستى دەپ ايىپتادى. ول سونىمەن بىرگە ماسكەۋدى 8- تامىزدا سيەۆەرودۆينسك قالاسىنىڭ ماڭىندا بولعان وقيعانىڭ جاي-جاپسارى جايلى تۇسىنىكتەمە بەرۋگە شاقىردى. بۇعان قوسا كوەن قىتايدى زىمىران كۇشىن نىعايتىپ جاتىر دەپ سىنادى.
رەسەيدىڭ ب ۇ ۇ جانىنداعى تۇراقتى وكىلىنىڭ مىندەتىن اتقارۋشى دميتري پوليانسكي ا ق ش- تىڭ گەوساياسي امبيتسياسىنىڭ كەسىرىنەن الەم جانتالاسا قارۋلانۋعا كىرىسۋدىڭ الدىندا تۇر دەپ مالىمدەدى. ونىڭ سوزىنشە، ۆاشينگتوننىڭ ماسكەۋدى كەلىسىمدى بۇزدى دەپ ايىپتاۋىنا ەشقانداي نەگىز جوق.
قىتايدىڭ ب ۇ ۇ- داعى تۇراقتى وكىلى ليۋ تسزەي جانتالاسا قارۋلانۋدى تەجەۋ ءۇشىن كەلىسىمنىڭ ماڭىزدى بولعانىن ايتتى. ول ا ق ش پەن رەسەيدى ديالوگقا شاقىرىپ، ۆاشينگتوننىڭ اتالعان كەلىسىمنەن شىعۋىنىڭ جاعىمسىز سالدارى جايلى ەسكەرتتى. قىتاي وكىلى اق ءۇي بيلىگى پەكيندى «نەگىزسىز ايىپتاپ» وتىر دەپ مالىمدەدى.
19- تامىزدا ا ق ش قۇرلىقتاعى قاناتتى زىمىران سىناعىن وتكىزگەنى تۋرالى حابارلاعان. پەنتاگون كاليفورنياداعى سان-نيكولاس ارالىنان ۇشىرىلعان زىمىراننىڭ 500 كيلومەتر قاشىقتاعى نىساناعا ءدال تيگەنىن ايتقان. بۇل – ا ق ش- تىڭ زىمىران كەلىسىمىنەن شىققاننان كەيىن وتكىزگەن العاشقى سىناعى. ا ق ش پەن سوۆەت وداعى (رەسەي) 1987-جىلى بەكىتكەن ورتا جانە قىسقا قاشىقتىققا ارنالعان يادرولىق زىمىراندار تۋرالى كەلىسىم شارتى ا ق ش پەن رەسەي قارۋلى كۇشتەرىنە 500 كيلومەتردەن 5500 كيلومەترگە دەيىن ۇشا الاتىن قۇرلىقتاعى زىمىرانداردى سىناقتان وتكىزۋگە تىيىم سالاتىن.
وسى كەلىسىمنەن بيىل 2- تامىزدا شىققان ا ق ش اكىمشىلىگى بۇل شەشىمگە رەسەيدىڭ ەكىجاقتى ۋاعدالاستىقتى كوپ ۋاقىت بويى بۇزىپ كەلگەنى سەبەپ بولدى دەپ مالىمدەگەن. ماسكەۋ بۇل ايىپتاردى جوققا شىعارادى.
«ازاتتىق»