«سارىارقا» گاز قۇبىرى قازان ايىندا ەلورداعا جەتەدى

نۇر-سۇلتان. قازاقپارات - «سارىارقا» گاز قۇبىرى نۇر-سۇلتان قالاسىنا قازان ايىندا جەتەدى. بۇل تۋرالى قازاقپارات «سامۇرىق-قازىنا» ۇلتتىق ءال-ۋقات قورىنىڭ قوعاممەن بايلانىس جانە ماركەتينگتىك كوممۋنيكاتسيالار جونىندەگى دەپارتامەنتىنە سىلتەمە جاساپ حابارلايدى.

«سامۇرىق-قازىنا» ۇلتتىق ءال-اۋقات قورى» ا ق باسقارما ءتوراعاسى احمەتجان ەسىموۆ «سارىارقا» ماگيسترالدىق گاز قۇبىرىنىڭ 820 شاقىرىمىنا بارىپ قايتتى. قۇبىر قۇرىلىسى قازان ايىندا اياقتالادى. احمەتجان ەسىموۆ قۇرىلىس بارىسىنا وڭ باعا بەرىپ، قۇرىلىستى ۋاقىتىلى اياقتاۋدى، سونداي-اق گاز قۇبىرىن ىسكە قوسۋ-جوندەۋ جۇمىستارىنىڭ ءوز مەرزىمىندە ءبىتۋىن قامتاماسىز ەتۋ قاجەتتىلىگىن اتاپ ءوتتى»، - دەلىنگەن باسپا ءسوز حابارلامادا.

اكتسيونەرلىك قوعامنىڭ اقپاراتىنا سەنسەك، بۇگىندە قۇبىر قۇرىلىسىنىڭ 75 پايىزى اتقارىلعان. قاراعاندى مەن اقمولا وبلىستارىندا دانەكەرلەۋ جۇمىستارى ءجۇرىپ جاتىر.

«قاز مۇناي گاز» ۇ ك» ا ق مەن اكىمدىكتەر قۇرىلىستىڭ قۇبىر جەلىلەرى تولىق تارتىلىپ بىتكەننەن كەيىن ەلدى مەكەندەر مەن ەلوردانى گازبەن جابدىقتاۋعا كىرىسەدى»، - دەدى «استانا گاز ق م گ» اكتسيونەرلىك قوعامىنىڭ باس ديرەكتورى ساعيدۋللا ماقاشيەۆ.

«سارىارقا» گاز قۇبىرى قازاقستاننىڭ استاناسىن، ەلدىڭ ورتالىق جانە سولتۇستىك وڭىرلەرىن گازبەن قامتاماسىز ەتۋگە ارنالعان. قۇرىلىستىڭ مەردىگەرى -  «قاز قۇرىلىس سەرۆيس» كومپانياسى، وپەراتورى -  «استانا گاز ق م گ» كومپانياسى. «سارىارقا» گاز قۇبىرى «بەينەۋ-بوزوي-شىمكەنت» گاز قۇبىرىنان باستاۋ الادى. نەگىزگى قۇرىلىس جۇمىستارى 2019-جىلدىڭ سوڭىنا قاراي اياقتالاتىن بولادى. 2020-جىلى تولىقتاي پايدالانۋعا بەرىلمەك. قۇبىردىڭ جالپى ۇزىندىعى 1061 شاقىرىم. ياعني، 1,7 ميلليون تۇرعىنى بار 171 ەلدى مەكەندى باسىپ وتەدى.