بەس دۇركىن التىن دوپ يەگەرى كاسىبي مانسابىن اياقتايتىنىن ايتتى

نۇر-سۇلتان. قازاقپارات - پورتۋگاليا ۇلتتىق قۇراماسىنىڭ جانە تۋريننىڭ «يۋۆەنتۋس» كلۋبىنىڭ شابۋىلشىسى كريشتيانۋ رونالدۋ كەلەر جىلى كاسىبي مانسابىن اياقتاۋى مۇمكىن.

بۇل تۋرالى فۋتبولشىنىڭ ءوزى ايتتى، دەپ حابارلايدى قازاقپارات.

جاڭا ماۋسىم قارساڭىندا ايگىلى فۋتبولشى پورتۋگاليانىڭ TVI ارناسىنا سۇحبات بەردى.

«جەڭىس اتاۋلى قاشاندا ماڭىزدى ءارى وعان تويمايسىڭ، ءبىراق ەرتەڭ جەڭە الماي قالسام ول اقىرزامان ەمەس. باستىسى، جىگەرىڭ قۇم بولماۋى كەرەك. ەگەر موتيۆاتسيا بولماسا، مەن فۋتبول ويناعاندى قويار ەدىم. بالكىم، ول الداعى جىلدىڭ ەنشىسىندە شىعار. ءبىراق مەن 40 جاسقا دەيىن، 41 گە دەيىن دە دەپ تەبە الامىن»، - دەدى فۋتبولشى.

بەس دۇركىن التىن دوپ يەگەرى مانسابىنىڭ سوڭىنا دەيىن فۋتبولدان ءلاززات الاتىنىن جەتكىزدى.

«ءدال قاشان توقتايتىنىمدى بىلمەيمىن، ءبىر بىلەتىنىم - سوڭعى ساتتەرگە دەيىن فۋتبولدان ءلاززات الامىن، جۇمىس ىستەيمىن. مەنىڭ ءار تاڭىم سولاي اتادى. ءبارىن بەرەتىن - ەڭبەك. ءتىپتى نوبەل سىيلىعىنىڭ يەگەرلەرى دە قۇداي بەرگەن دارىنىنان تىس، كوپ ەڭبەكتەنەدى. تەك سپورتتان عانا ەمەس، باسقا سالالاردان دا ۇلگى العاندى ۇناتامىن»، - دەدى رونالدۋ.