+7 (701) 759 90 19 Лента
26 °С : نۇر-سۇلتان
25 °С : الماتى
USD 385.42 EUR 424.58
RUB 6.00 CNY 54.31
جاڭالىقتار

اسقار مامين تاتارستاندا رەسەي ۇكىمەتىنىڭ ءتوراعاسى دميتري مەدۆەديەۆپەن كەزدەستى

23 تامىز 09:52
:ءبولىسۋ
اسقار مامين تاتارستاندا رەسەي ۇكىمەتىنىڭ ءتوراعاسى دميتري مەدۆەديەۆپەن كەزدەستى

قازان. قازاقپارات - قازاقستان رەسپۋبليكاسىنىڭ پرەمەر-ءمينيسترى اسقار مامين جۇمىس ساپارىمەن رەسەي فەدەراتسياسىنا باردى، دەپ حابارلايدى قازاقپارات پرەمەر-ءمينيستردىڭ باسپا ءسوز قىزمەتىنە سىلتەمە جاساپ.


تاتارستاندا اسقار مامين ر ف ۇكىمەتىنىڭ ءتوراعاسى دميتري مەدۆەديەۆپەن كەزدەستى. ەكى ەلدىڭ پرەمەر-مينيسترلەرى قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆ پەن رەسەي پرەزيدەنتى ۆلاديمير پۋتين نەگىزىن سالىپ، دامىتقان ستراتەگيالىق ارىپتەستىك پەن وداقتاستىقتىڭ جوعارى دەڭگەيىن اتاپ ءوتتى. تاراپتار بيىل ءساۋىر ايىندا ق ر پرەزيدەنتى قاسىم-جومارت توقايەۆتىڭ رەسەيگە رەسمي ساپارى اياسىندا قول جەتكىزىلگەن كەلىسىمدەردى ىسكە اسىرۋ بارىسىن تالقىلادى.


ۇكىمەتارالىق كەلىسسوزدەر ساۋدا-ەكونوميكالىق، ينۆەستيتسيالىق ىنتىماقتاستىقتى، ونەركاسىپتىك كووپەراتسيانى ودان ءارى ارتتىرۋعا، ەنەرگەتيكا، اۋىل شارۋاشىلىعى، كولىك سالالارىنداعى ءوزارا ءىس-قيمىل ماسەلەلەرىنە ارنالدى. كەزدەسۋدە سونىمەن قاتار شەكارا ماڭى جانە ينتەگراتسيالىق ىنتىماقتاستىقتىڭ وزەكتى ماسەلەلەرى قارالدى.

رەسەي — قازاقستاننىڭ باستى ساۋدا سەرىكتەسى. وتكەن جىلى ەكى جاقتى ساۋدا كولەمى %13 عا ارتىپ، $18,5 ميللياردقا جەتتى. 2019-جىلعى جارتى جىلدىقتىڭ قورىتىندىسى بويىنشا تاۋار اينالىمى $8,8 ميللياردتى قۇرادى.

«جەتكىزىلەتىن تاۋارلار مەن قىزمەتتەردىڭ نومەنكلاتۋراسىن كەڭەيتۋ، ءبىزدىڭ بيزنەس-قاۋىمداستىقتار اراسىندا تىكەلەي بايلانىس ورناتۋ، سونداي-اق، ءۇشىنشى ەلدەر نارىقتارىنا تاۋارلاردى ىلگەرىلەتۋ بويىنشا بىرلەسكەن جۇمىستاردى جالعاستىرۋ قاجەت»، — دەپ اسقار مامين، رەسەيلىك نارىققا 60 تان استام پوزيتسيا بويىنشا قازاقستاندىق تاۋارلاردى جەتكىزۋدىڭ جوعارى الەۋەتىن اتاپ ءوتتى.


قازاقستاندىق-رەسەيلىك ىنتىماقتاستىقتىڭ باستى باعىتتارىنىڭ ءبىرى — ونەركاسىپتىك كووپەراتسيا.

جۇمىس ساپارى بارىسىندا ق ر پرەمەر-ءمينيسترى تاتارستاننىڭ الدىڭعى قاتارلى ونەركاسىپتىك كاسىپورىندارىن، اتاپ ايتقاندا، «كاماز» ج ا ق- تى ارالادى.


ق ر جانە ر ف- ءتىڭ ونەركاسىپتىك كووپەراتسيا سالاسىنداعى بىرلەسكەن ءىس-قيمىل باعدارلاماسى اياسىندا «اگروماشحولدينگ KZ» قازاقستاندىق كومپانياسى مەن «كاماز» بىرلەسىپ ءبىرقاتار جوبالاردى جۇزەگە اسىرۋدا، ونىڭ ىشىندە جۇك اۆتوموبيلدەرىنىڭ بەلدىكتەرىنىڭ رەدۋكتورلارىن جانە ارنايى تەحنيكا وندىرەتىن زاۋىت قۇرىلىسى بار.


بۇعان قوسا، اسقار مامين «تاتنەفت» كومپانيالار توبىنا كىرەتىن «تانەكو» مۇناي وڭدەۋ زاۋىتىنا باردى. تاتارستان استاناسىندا ق ر ۇكىمەتىنىڭ باسشىسى قازان تىكۇشاق زاۋىتىندا بولىپ، «حيمگراد» تەحنوپوليسىن ارالادى.

قازاندا اسقار مامين «Wildberries» جەتەكشى رەسەيلىك حالىقارالىق ينتەرنەت دۇكەنىنىڭ باس ديرەكتورى تاتيانا باكالچۋكپەن كەزدەسۋ وتكىزدى، وندا كومپانيانىڭ قازاقستاندا ساۋدا-لوگيستيكالىق ورتالىقتاردى سالۋ جانە بيزنەستى كەڭەيتۋ جونىندەگى جوسپارلارى تالقىلاندى.


كەلىسسوزدەردىڭ قورىتىندىسى بويىنشا «استانا» حالىقارالىق قارجى ورتالىعى مەن «Wildberries» كومپانياسى اراسىندا ءوزارا تۇسىنىستىك تۋرالى مەموراندۋمعا قول قويىلدى، سونداي-اق، ا ح ق و قاتىسۋشىسى رەتىندە «Wildberries» تىركەلۋ تۋرالى سەرتيفيكات بەرىلدى.


جۇمىس ساپارى اياسىندا قازاقستان پرەمەر-ءمينيسترى اسقار مامين رەسەي ۇكىمەتىنىڭ باسشىسى دميتري مەدۆەديەۆپەن بىرگە «WORLDSKILLS KAZAN 2019» چەمپيوناتىنىڭ اشىلۋ سالتاناتىنا قاتىستى. چەمپيونات قارساڭىندا اسقار مامين WorldSkills ستاندارتتارى بويىنشا كاسىبي شەبەرلىكتەن قازاقستاننىڭ ۇلتتىق قۇراماسىمەن كەزدەسىپ، ولارعا جارىستاردا ساتتىلىك تىلەدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات