قازاقستاندا جىل باسىنان بەرى قانشا مىڭ جۇپ اجىراسىپ كەتتى؟
جىلدىڭ العاشقى التى ايىندا قازاقستاندا 63917 نەكە قيىلىپ، 29073 اجىراسۋ تىركەلگەن. ياعني، نەكەلەسكەندەردىڭ 45,5 پايىزى قايتا ايىرىلىسقان.
وسى جاعىمسىز تەندەنتسيامەن كۇرەسۋ ءۇشىن ماۋسىم ايىندا وتباسىلىق سوتتار جانىنان «باقىتتى وتباسى» ىلكى جوباسى قولعا الىنعان. مۇنداي ورتالىقتاردا پسيحولوگ، زاڭگەر، الەۋمەتتىك قىزمەتكەردىڭ كەڭەسىن تەگىن الۋعا بولادى.
«اتالعان كەزەڭدە وتباسىن رەسۋرستىق قولداۋ ورتالىقتارىنىڭ كومەگىنە 600 دەن استام ادام جۇگىنىپ، 250 گە جۋىق جۇپ تاتۋلاسۋعا كەلىستى. اراسىندا 21 جاستاعى جاس تا، 62 جاستاعى جاسامىس تا بار. ءوتىنىش بەرۋشىلەر اراسىندا نەكەدە تۇرعاندارى 10 جىلعا جەتپەگەندە سانى - 345، 20 جىلعا دەيىنگىلەر سانى - 124، 20 جىلدان اسقاندار - 27. ياعني، قازاقستاندا اجىراسۋ جاس تالعامايتىن بولعان»، - دەيدى داعدارىس ورتالىقتارى وداعىنىڭ باسقارما ءتوراعاسى زۋلفيا بايساقوۆا.