تاۋعا شىققان تۋريستەرگە جاي ءتۇسىپ، بىرنەشەۋى اجال قۇشتى

نۇر-سۇلتان. قازاقپارات -  پولشانىڭ وڭتۇستىگىندەگى گيەۆونت تاۋ الابىندا ءبىر توپ ءتۋريستى نايزاعاي سوعىپ، بىرنەشەۋى اجال قۇشتى، دەپ حابارلادى بەيسەنبىدە پولشالىق TVN24 تەلەارناسى.

تاعى ونداعان ادام جارالانعان.

زارداپ شەككەندەردىڭ ناقتى سانى ازىرگە بەلگىسىز.

ادەتتە، كۇن كۇركىرەگەن كەزدە گيەۆونتتا بولۋ اسا قاۋىپتى. ويتكەنى وندا ورناتىلعان ەسكەرتكىش مەتال كرەست نايزاعايدى وزىنە تارتادى.

بەيسەنبى كۇنى تاڭعى مەزگىلدە مۇندا كۇن اشىق بولعان. ەشكىم اياق استىنان بۇلت تۇنەرىپ، نايزاعاي جارقىلدايتىندىعىن بىلمەگەن دە. سوندىقتان ءبىر توپ تۋريست تاۋعا اتتانعان.

گيەۆونت -  2,7 شاقىرىمعا سوزىلىپ جاتقان تاۋ الابى، ۆەلكي گيەۆونت دەپ اتالاتىن شىڭىنىڭ بيىكتىگى 1894 مەتر.