ەلىمىزدە حيميا ونەركاسىبى ونىمدەرىنىڭ كولەمى ارتتى
مينيسترلىكتىڭ حابارلاۋىنشا، كورسەتكىشتەردىڭ وسىنشاما دەڭگەيدە ۇلعايۋى حيميا كاسىپورىندارىن قالپىنا كەلتىرۋ جانە جاڭعىرتۋ، سونداي-اق يندۋستريالاندىرۋ كارتاسى شەڭبەرىندە جاڭا ينۆەستيتسيالىق جوبالاردى ەنگىزۋ ەسەبىنەن جۇزەگە اسقان. 2010-2018-جىلدار ارالىعىندا بۇل باعىتتا 54 جوبا ىسكە اسىرىلىپ، 4 مىڭنان استام جۇمىس ورنى اشىلعان.
«وتاندىق حيميا ونەركاسىبىن دامىتۋعا ەلەۋلى ۇلەس قوسقان - يندۋستريالاندىرۋ كارتاسى. ونىڭ اياسىندا جۇزەگە اسىرىلعان ماڭىزدى جوبالاردى ەرەكشە اتاپ وتۋگە بولادى. پاۆلودار وبلىسىنداعى «كاۋستيك» ا ق، جامبىل وبلىسىنداعى «قازفوسفات» ج ش س- نىڭ «ناتري گەكسامەتافوسفاتىن جانە باسقا تۇزداردى ءوندىرۋ» زاۋىتى، ماڭعىستاۋ وبلىسىنداعى «قازازوت» ج ش س اممياك، ازوت قىشقىلى جانە اممياك سەليتراسى ءوندىرىسىن جاڭعىرتۋ جوباسى، جامبىل وبلىسىنداعى «Talas Investment Company» ج ش س ناتري تسيانيدىن ءوندىرۋ زاۋىتى ءوندىرىستى دامىتۋعا ايتارلىقتاي سەرپىن بەردى»، - دەلىنگەن حابارلامادا.
بۇل جوبالار ەلىمىزدە بۇرىن وندىرىلمەگەن حيميا ونىمدەرىنىڭ اسسورتيمەنتىن كەڭەيتۋگە مۇمكىندىك بەرگەن. وسىلايشا، قازاقستاندا قازىرگى تاڭدا كاۋستيكالىق سودا، ناتري گيپوحلوريدى، سونداي-اق قوسىلعان قۇنى جوعارى ونىمدەردەن جۋۋ قۇرالدارى، لاك-بوياۋ ماتەريالدارىنىڭ، جارىلعىش زاتتاردىڭ جاڭا تۇرلەرى، اگروحيميا قۇرالدارى ءوندىرىلىپ جاتىر.
«حيميا ونەركاسىبىنىڭ ەڭ ەكسپورتتالاتىن تاۋارلارىنىڭ قاتارىنا: سارى فوسفور، حروم وكسيدتەرى مەن حلوريدتەرى، گەربيتسيدتەر، حروم تريوكسيدى، امموني نيتراتى، ناتري ديحروماتى، مينەرالدى تىڭايتقىشتار كىردى. بۇگىنگى تاڭدا قازاقستان اۋماعىندا جۇمىس ىستەيدى: حيميا سالاسىنداعى 693 كاسىپورىن، ونىڭ ىشىندە 10 ءىرى، 13 ورتا، 670 ۇساق كاسىپورىندار جۇمىس ىستەپ تۇر. ال حيميا سالاسىنداعى جۇمىسپەن قامتىلعاندار سانى - 16 مىڭ ادامدى قۇرادى»، - دەپ حابارلايدى مينيسترلىكتەن.