ءۇندىستان ەلەكتروندى تەمەكىگە تىيىم سالماق

نۇر-سۇلتان. قازاقپارات -  ءۇندىستان دەنساۋلىق ساقتاۋ مينيسترلىگى ەلدىڭ بارلىق اۋماعىندا ەلەكتروندى سيگارەتتى شىعارۋعا، يمپورتتاۋعا، ساتۋعا تىيىم سالۋدى جانە مۇنى بۇزعانداردى تۇرمەگە قاماۋعا دەيىن جازالاۋدى ۇسىندى.

بۇل تۋرالى بەيسەنبىدە Reuters اگەنتتىگى اتالمىش ۆەدوموستۆونىڭ ەل ۇكىمەتىنىڭ قاراۋىنا جىبەرگەن بايانداماسىنا سىلتەمە جاساپ حابارلادى.

ءۇندىستان دەنساۋلىق ساقتاۋ مينيسترلىگى ەلەكتروندى تەمەكىگە تىيىم سالۋ بالالار مەن جاس وسپىرىمدەردىڭ جاپپاي اۋەستەنۋىنە توسقاۋىل قويۋ ءۇشىن قاجەت دەگەن سەنىمدە.

سونداي-اق، باياندامادا: ەگەر تەمەكى شىعارۋ، يمپورتتاۋ جانە ساتۋعا تىيىمدى قايتالاپ بۇزعان جاعدايدا ءۇش جىلعا دەيىن باس بوستاندىعىنان ايىرۋدى جانە 500 مىڭ رۋپي كولەمىندە ($7000) ايىپپۇل تولەۋدى ەنگىزۋ كورسەتىلگەن.

ال ەگەر ءبىرىنشى رەت بۇزعان بولسا، جەڭىلدەۋ جازا: ءبىر جىلعا دەيىن تۇرمەگە وتىرعىزۋ نەمەسە 100 مىڭ رۋپي ($1400) ايىپپۇل تولەۋ ۇسىنىلىپ وتىر.

ايتا كەتسەك، 1,35 ميلليارد حالقى بار ءۇندىستاندا 106 مىڭ ەرەسەك ادام شىلىم شەگەدى. بۇل ەل تەمەكىنى پايدالانۋدان الەمدە قىتايدان كەيىن ەكىنشى ورىن الادى. جىل سايىن 900 مىڭ ۇندىلىك تەمەكى شەگۋدىڭ سالدارىنان تۋىندايتىن دەرتتەردەن كوز جۇمادى

بۇگىنگى تاڭدا ءۇندىستانداعى 29 شتاتتىڭ 16 سىندا جانە جەتى اكىمشىلىك اۋماعىندا ەلەكتروندى تەمەكىگە تىيىم سالىنعان.