+7 (701) 759 90 19 Лента
15 °С : نۇر-سۇلتان
13 °С : الماتى
USD 386.77 EUR 427.26
RUB 6.00 CNY 54.56
جاڭالىقتار

تالاپكەرلەر جوعارى وقۋ ورنىن تاڭداعاندا قانداي ماسەلەلەرگە نازار اۋدارعاندارى ءجون؟

23 تامىز 07:55
:ءبولىسۋ
تالاپكەرلەر جوعارى وقۋ ورنىن تاڭداعاندا قانداي ماسەلەلەرگە نازار اۋدارعاندارى ءجون؟

نۇر-سۇلتان. قازاقپارات – ق ر ءبىلىم جانە عىلىم مينيسترلىگى جوعارى وقۋ ورنىن تاڭداعاندا تالاپكەرلەر قانداي ماسەلەلەرگە نازار اۋدارعاندارى ءجون ەكەندىگىن ءتۇسىندىردى، دەپ حابارلايدى قازاقپارات ق ر ق ب م ق ر ب ع م Facebook-تەگى پاراقشاسىنا سىلتەمە جاساپ.

قازىرگى ۋاقىتتا جوعارى وقۋ ورىندارىنا ءتۇسۋ بويىنشا وتىنىشتەردى قابىلداۋ ءۇردىسى جالعاسۋدا.

«ق ر ب ع م تالاپكەرلەر مەن ستۋدەنتتەردىڭ مۇددەلەرىن قورعاۋ شەڭبەرىندە ءبىلىم بەرۋ ساپاسىن قامتاماسىز ەتۋ ماقساتىنداعى ءوز جۇمىسىن كۇشەيتىپ، جوعارى وقۋ ورىندارىنىڭ قىزمەتىنە قاتىستى تەكسەرۋلەر جۇرگىزۋدە. جوسپاردان تىس جۇرگىزىلگەن تەكسەرۋلەردىڭ ناتيجەسىندە ءبىرقاتار جوعارى وقۋ ورىندارىندا بۇزۋشىلىقتار انىقتالىپ وتىر. اتاپ ايتساق، شىمكەنت ايماقتىق الەۋمەتتىك-يننوۆاتسيالىق ۋنيۆەرسيتەتى مەن «استانا» ۋنيۆەرسيتەتىندە، - دەپ اتاپ وتكەن ءبىلىم مينيسترلىگى.

وسىعان بايلانىستى، تالاپكەرلەر كەلەسى ماسەلەلەرگە نازار اۋدارعاندارى ءجون.

«بىرىنشىدەن، جوعارى وقۋ ورنىنا ءوتىنىش بەرۋ تۋرالى شەشىم قابىلداعان كەزدە قازاقستاندا تىركەلمەگەن شەتەلدىك وقۋ ورىندارىنىڭ نەمەسە ليتسەنزياسىز جۇمىس ىستەيتىن وكىلدىكتەردىڭ قىزمەتى زاڭدى ەمەس ەكەندىگىن جانە اتالعان ءبىلىم بەرۋ ۇيىمدارى تاراپىنان بەرىلەتىن قۇجاتتاردىڭ كۇشى جوق ەكەنىن ەسكەرىڭىز.

ەكىنشىدەن، تومەندەگى تالاپتارعا ءمان بەرۋ كەرەك:

- جوعارى وقۋ ورنىندا ءبىلىم بەرۋ قىزمەتىن جۇرگىزۋ قۇقىعى بويىنشا ليتسەنزيانىڭ بولۋى (2007-جىلدان كەيىن بەرىلگەن)؛

- ج و و- نىڭ اككرەديتاتسيادان ءوتۋى مەن اككرەديتتەلگەن ءبىلىم بەرۋ باعدارلامالارىنىڭ بولۋى؛

- جۇمىس بەرۋشىلەر رەيتينگىندەگى ج و و- نىڭ ورنى، وقۋ ورنىنىڭ جۇمىس بەرۋشىلەر اراسىنداعى تانىمالدىلىعى جانە ءبىلىم بەرۋ باعدارلامالارىنىڭ ساپاسى.

وسى ورايدا، تالاپكەرلەردى دۇرىس تاڭداۋ جاساۋعا شاقىرا كەلە، ب ع م 2021-جىلدان باستاپ ەلىمىزدىڭ جوعارى وقۋ ورىندارى مەملەكەتتىك ۇلگىدەگى ەمەس، ءوز ديپلومدارىن بەرەتىندىگىن جانە جۇمىسقا قابىلداۋ كەزىندە جۇمىس بەرۋشىلەرمەن ناقتى ج و و- نىڭ بەدەلى ەسكەرىلەتىندىگىن اتاپ وتەدى.

«قازاقستاندا حالىقارالىق ارەنادا دا باسەكەلەستىككە توتەپ بەرە الاتىن لايىقتى جانە مىقتى جوعارى وقۋ ورىندارىنىڭ قاتارى قالىڭ. وكىنىشكە وراي، باسەكەگە قابىلەتتى جوعارى وقۋ ورىندارىمەن قاتار «السىزدەرى» دە ءبىلىم بەرۋ ۇردىسىنە كىرىستىرىلگەن. وسى رەتتە، اتالعان جوعارى وقۋ ورىندارى بويىنشا جۇمىس جۇرگىزىپ، ساپانى قامتاماسىز ەتۋ بويىنشا ءتيىستى شارالار قابىلداۋ قاجەت»، - دەپ تۇسىندىرەدى مينيسترلىك.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات