+7 (701) 759 90 19 Лента
14 °С : نۇر-سۇلتان
24 °С : الماتى
USD 386.70 EUR 427.15
RUB 6.06 CNY 54.57
جاڭالىقتار

ەۋروپا ليگاسى: «استانا» بەلارۋس كومانداسىن ويسىراتا جەڭدى

23 تامىز 07:31
:ءبولىسۋ
ەۋروپا ليگاسى: «استانا» بەلارۋس كومانداسىن ويسىراتا جەڭدى

نۇر-سۇلتان. قازاقپارات - فۋتبولدان UEFA ەۋروپا پلەي-وفف ساتىسىنداعى العاشقى كەزدەسۋىندە ەلوردالىق «استانا» ءوز الاڭىندا بەلارۋستىڭ ب ا ت ە كومانداسىنان باسىم ءتۇستى، دەپ حابارلايدى قازاقپارات ءتىلشىسى.

پلەي-وفف كەزەڭىندە جولى بولعان كوماندا جارىستىڭ توپتىق ساتىسىنا جولداما الادى. سوندىقتان ەكى كوماندا دا بۇگىنگى كەزدەسۋدە وزدەرىنە قولايلى ەسەپكە قول جەتكىزۋگە بارىنشا كۇش سالدى.

«استانا» ساپىندا العاشقى مينۋتتان نەناد ەريچ، انتونيو رۋكاۆينا، لۋكا شيمۋنوۆيچ، ەۆگەني پوستنيكوۆ، دميتري شومكو، يۋري لوگۆينەنكو، يۆان مايەۆسكي، رۋنار مار سيگۋرونسسون ، دورين روتاريۋ، فيرمين مۋبەلە، مارين توماسوۆ شىقتى.

ال ب ا ت ە باپكەرلەرى انتون چيچكان، الەكساندار فيليپوۆيچ، سلوبودان سيموۆيچ، زاحار ۆولكوۆ، الەكسەي ريوس، ەۆگەني يابلونسكي، ستانيسلاۆ دراگۋن، دميتري باگا، يگور ستاسيەۆيچ، ەرۆەن مۋكام جانە ماكسيم سكاۆىش سىندى جىگىتتەرگە سەنىم ارتتى.

ويىننىڭ العاشقى مينۋتىنان ءبىزدىڭ كوماندا تىزگىندى قولعا الۋعا تىرىستى. قارسىلاستار قاقپاسى ماڭىندا قاۋىپتى شابۋىلدار ۇيىمداستىردى. ناتيجەسىندە العاشقى بولىپ ەسەپ اشتى. كەزدەسۋدىڭ 23-مينۋتىندا مارين توماسوۆ كوماندالاس ارىپتەسىنەن دوپ الدى. سودان كەيىن بىرنەشە قارسىلاسىن الداپ ءوتتى. سوسىن الىستان دوپتى شىرەنە تەۋىپ، قارسىلاستار قاقپاسىن تۋلاتتى. ايتا كەتەرلىگى، بۇل مارين توماسوۆتىڭ بيىلعى ەۋروكۋبوك ويىندارىندا سوققان جەتىنشى گولى سانالادى.

ەلوردالىق فۋتبولشىلار ءبىرىنشى كەزەڭدە بۇدان كەيىن دە كوپتەگەن شابۋىلدار ۇيىمداستىرعان ەدى. دەگەنمەن ولاردىڭ بارلىعى دىتتەگەن جەرىنە جەتكەن جوق. ءبىرىنشى كەزەڭنىڭ سوڭىندا وڭ قاناتتان اۋەلەتە بەرىلگەن دوپتى «استانا» ويىنشىسى يۋري لوگۆينەنكو باسپەن قاقپاعا سوعىپ كەتتى.

ەكىنشى كەزەڭ باستالعاننان كەيىن كوپ ۇزاماي «استانا» ەسەپتى ۇستەمەلەي ءتۇستى. باتە قاقپاسىنا بەلگىلەنگەن پەنالتيدى رۋنار سيگۋريونسسون شەبەر ورىنداي ءبىلدى. بۇدان كەيىن قوس كوماندا تاراپىنان ەسەپتى وزگەرتەتىن مۇمكىندىكتەر بولدى. دەسە دە ويىن سوڭىنا دەيىن بۇدان باسقا گول سوعىلعان جوق. «استانا» قارسىلاسىنان 3:0 ەسەبىمەن باسىم ءتۇستى.

ەكى كوماندا بۇدان بۇرىنعى جىلداردا دا ەۋروكۋبوك ويىندارىندا كەزدەستى. بەلارۋس كلۋبى 2016-جىلى ەۋروپا ليگاسى پلەي-وفف كەزەڭىندە ەلوردالىق «استانا» كلۋبىمەن جولىقتى. العاشقى كەزدەسۋدە ب ا ت ە سىرت الاڭدا ولار قارسىلاسىنا 0:2 ەسەبىمەن جول بەرسە، اراعا اپتا سالىپ ءوز الاڭىندا 2:2 ەسەبىمەن تەڭ ءتۇستى. وسىلايشا، «استانادان» اينالىپ وتە العان جوق. ودان بۇرىن 2013-جىلى چەمپيوندار ليگاسى ەكىنشى ىرىكتەۋ ساتىسىندا قاراعاندىنىڭ «شاحتەرىنا» ەسە جىبەرگەن ەدى.

ەندى قارىمتا ويىن 29- تامىزدا بوريسوۆ قالاسىندا وتكىزىلەدى.


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات