دەپۋتات كوزىنە ءشوپ سالعانىن مويىنداعان ايەلىن اتىپ تاستادى

نۇر-سۇلتان. قازاقپارات - چەليابينسك وبلىسىندا قۇقىق قورعاۋ قىزمەتكەرلەرى لوكوموتيۆ قالالىق وكرۋگىنىڭ دەپۋتاتى جانە جەرگىلىكتى اۋرۋحانانىڭ باس دارىگەرى ازات زاريپوۆتى ۇستادى.

ول جاس ايەلىن ءولتىردى دەگەن كۇدىككە ىلىنگەن دەپ حابارلايدى Ren.tv-گە سىلتەمە جاساعان KAZ. NUR. KZ.

تەلەارنانىڭ مالىمتەتىنشە، كۇدىكتى ءوز كىناسىن مويىنىنا العان.

الدىن-الا بولجام بويىنشا، دەپۋتات بالىق اۋلاپ كەشكە ۇيىنە ورالعان ۋاقىتتا شاشىلعان جايمالار مەن جۋىلماعان ىدىستى بايقاعان.

جۇبايى مەن ەر ادامنىڭ اراسىندا جانجال شىعىپ، ۇرىس كەزىندە ايەلى ونىڭ كوزىنە ءشوپ سالعانىن ايتقان.

مۇنى ەستىپ، اشۋعا بۋلىققان دەپۋتات اڭشى مىلتىعىن الىپ، ەكى رەت جۇبايىن اتقان، سوسىن جەدەل جاردەم مەن پوليتسيا قىزمەتكەرلەرىن شاقىرعان.

كەي دەرەكتەر ايەل ادامنىڭ اۋرۋحانادا تاڭعا جۋىق قايتىس بولعانىن كورسەتكەن.

قازىرگى ۋاقىتتا تەرگەۋ جۇمىستارى جالعاسۋدا.

جەرگىلىكتى ب ا ق بەتتەرىندە قايتىس بولعان ايەل ادام زاريپوۆتىڭ ەكىنشى نەكەسى ەكەندىگى ايتىلدى.

ونىڭ جۇبايى بۇرىن اۋرۋحانادا مەدبيكە بولىپ قىزمەت اتقارعان.