وزبەكستاندا بىرنەشە لاۋازىمدى شەنەۋنىك سوتتالدى
وزبەكستان جوعارعى سوتى 20- تامىزدا تاراتقان اقپاراتتا اگەنتتىكتىڭ بۇرىنعى جەتەكشىسى راۆشان يبراگيموۆ پەن ءتوراعانىڭ بۇرىنعى ورىنباسارى ۋلۋگبەك نازاروۆتىڭ 12 جىلعا باس بوستاندىعىنان ايىرىلعانى ايتىلعان. وسى اگەنتتىكتىڭ تاعى ەكى قىزمەتكەرى - اليجون ابدۋللايەۆ پەن وزود ماحسۋدوۆتىڭ ءارقايسىسى 11 جىلعا سوتتالعان.
سوت ۇكىمىنە سايكەس، سوتتالۋشىلارعا جازاسىن وتەپ شىققان سوڭ ءۇش جىل بويى باسشى جانە ماتەريالدىق جاۋاپكەرشىلىك جۇكتەلەتىن قىزمەت اتقارۋعا تىيىم سالىنادى. اگەنتتىك قىزمەتكەرلەرى وتكەن جىلى قازاندا ۇستالعان.
ولارعا وزبەكستاننان وڭتۇستىك كورەياعا جۇمىس ىستەۋگە باراتىن ەڭبەك ميگرانتتارىنىڭ ساپارىن ۇيىمداستىرۋ كەزىندە ءىرى كولەمدە پارا العان، كۇماندى جولمەن الىنعان اقشانى زاڭداستىرعان جانە اقپاراتتى زاڭسىز پايدالانعان دەگەن ايىپتار تاعىلعان.
«ازاتتىق»