+7 (701) 759 90 19
-8 °С : نۇر-سۇلتان
8 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

قىرعىزستاننىڭ بۇرىنعى باس پروكۋرورى دجولدۋبايەۆا ءۇيقاماققا الىندى

22 تامىز 20:57
:ءبولىسۋ
قىرعىزستاننىڭ بۇرىنعى باس پروكۋرورى دجولدۋبايەۆا ءۇيقاماققا الىندى

نۇر-سۇلتان. قازاقپارات - قىرعىزستاننىڭ بۇرىنعى باس پروكۋرورى ينديرا دجولدۋبايەۆا جەمقورلىق كۇدىگىمەن ءۇيقاماققا الىندى.

ول «قىلمىستىق توپتى باسقارعان ازيز باتۋكايەۆتى قاماۋدان زاڭسىز بوساتۋ ءىسى» بويىنشا كۇدىككە ىلىنگەن.

ينديرا دجولدۋبايەۆا 2015-جىلدىڭ قاڭتارىنان 2018-جىلدىڭ ساۋىرىنە دەيىن قىرعىزستاننىڭ باس پروكۋرورى بولعان. ال 2011-جىلدان 2015-جىلدىڭ قاڭتارىنا دەيىن پرەزيدەنت اپپاراتىنىڭ سوت رەفورماسى ءبولىمىن باسقارعان.

2013-جىلى 9- ساۋىردە نارىن قالالىق سوتى ازيز باتۋكايەۆتى قاماۋدان بوساتقان. سوت دارىگەرلەردىڭ «باتۋكايەۆ ايىقپاس دەرتكە شالدىققان» دەگەن انىقتاماسىنا سۇيەنىپ، ونى بوساتقان. تۇرمەدەن شىققان باتۋكايەۆ قىرعىزستاننان شەتەلگە كەتىپ قالعان. كەيىن ونىڭ ەشقانداي دەرتكە شالدىقپاعانى انىقتالعان. وسىدان كەيىن قىرعىزستاندا تەرگەۋ باستالىپ، بۇرىنعى دەنساۋلىق ساقتاۋ ءمينيسترى دينارا ساگىنبايەۆا، نارىن وبلىسى پروكۋرورىنىڭ بۇرىنعى ورىنباسارى مايرامبەك اكماتاليەۆ، بۇرىنعى ەكس-پرەمەر-مينيستر شاميل اتاحانوۆ، بۇرىنعى باس پروكۋرور ايدا ساليانوۆا ءۇيقاماققا الىنعان. قورعانىس كەڭەسىنىڭ ەكس-حاتشىسى بۋسۋرمانكۋل تابالديەۆكە ىزدەۋ جاريالانعان.

قازىر قاماۋدا وتىرعان ەلدىڭ ەكس-پرەزيدەنتى المازبەك اتامبايەۆقا دا باتۋكايەۆتى زاڭسىز بوساتۋ ءىسى بويىنشا ايىپ تاعىلعان.

«ازاتتىق»


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات