ق ر پرەزيدەنتى قازاقستاننىڭ بەلارۋستەگى جاڭا ەلشىسىنە ءبىرقاتار تاپسىرما بەردى

نۇر-سۇلتان. قازاقپارات - قاسىم-جومارت توقايەۆ قازاقستاننىڭ بەلارۋستەگى جاڭادان تاعايىندالعان ەلشىسى، ت م د جارعىلىق ورگاندارىنىڭ جانىنداعى تۇراقتى وكىل قىزمەتىن قوسا اتقارۋشى اسقار بەيسەنبايەۆتى قابىلدادى، دەپ حابارلايدى اقوردا.

كەزدەسۋ بارىسىندا مەملەكەت باسشىسى بەلارۋس رەسپۋبليكاسىمەن كوپجاقتى ىنتىماقتاستىقتى ودان ءارى دامىتۋدىڭ، سونىڭ ىشىندە ەۋرازيالىق ەكونوميكالىق وداق اياسىندا ءوزارا ىقپالداستىقتىڭ ماڭىزدىلىعىن اتاپ ءوتتى.

سوڭىندا قازاقستان پرەزيدەنتى اسقار بەيسەنبايەۆقا ءبىرقاتار ناقتى تاپسىرما بەردى.