الماتى ورتالىق ازيا ەلدەرىنەن ۆولونتەرلاردى قابىلداۋعا دايىن

الماتى. قازاقپارات- الماتى ورتالىق ازيا ەلدەرىنىڭ بارلىق ەرىكتىلەرىن قابىلداۋعا دايىن. بۇل تۋرالى الماتى قالاسىنىڭ اكىمى باقىتجان ساعىنتايەۆ Іnstagram-پاراقشاسىندا جازدى، دەپ حابارلايدى قازاقپارات ءتىلشىسى.

بۇگىن، الماتىدا ەلباسى ن. ءا. نازاربايەۆتىڭ باستاماسى بويىنشا جاريالانعان جاستار جىلىنىڭ اياسىندا «ورتالىق ازيا جاستارى» فەستيۆالى اشىلدى. ۇيىمداستىرۋشىلار -  ق ر تۇڭعىش پرەزيدەنتى قورى مەن الماتى قالاسىنىڭ اكىمدىگى.

«ءبىزدىڭ قالامىز ەكى كۇن بويى 7 ەلدىڭ 400 گە جۋىق دارىندى جاستارى قاتىساتىن الاڭعا اينالادى. قاتىسۋشىلار گەوگرافياسىن كەڭەيتۋدى جانە بولاشاقتا رەسەي، قىتاي، كورەيا مەن ءۇندىستاننىڭ جانە باسقا دا ەلدەردىڭ جاستارىن شاقىرۋدى ءارى فەستيۆالدى جىل سايىن وتكىزۋدى ۇسىندىم»، - دەپ جازدى باقىتجان ساعىنتايەۆ.

ايتا كەتەيىك، پرەزيدەنت قاسىم-جومارت توقايەۆ كەلەر جىلدى ەرىكتىلەر جىلى دەپ جاريالاعان بولاتىن.

«2020-جىلى الماتىدا ءوڭىر ەلدەرى ەرىكتىلەرىنىڭ جاستار فورۋمىن وتكىزۋدى ۇسىنامىن»، - دەيدى الماتى اكىمى.