قايتىس بولعان قىزىنىڭ ءوتىنىشىن ورىنداعان اكە ادام تانىماستاي وزگەرىپ كەتتى

نۇر-سۇلتان. قازاقپارات - ۋەلس تۇرعىنى قىزىنىڭ ولەر الدىنداعى ءوتىنىشىن ورىنداۋ ءۇشىن 90 كەلىگە ارىقتاعان. بۇل تۋرالى lenta.ru حابارلايدى.

56 جاستاعى مايك ساممەرستىڭ قىزى ءۇش جىل بۇرىن ءسۇت بەزىنىڭ قاتەرلى ىسىگىنەن كوز جۇمعان.

«قىزىممەن سوڭعى رەت سويلەسكەندە ول كۇيەۋ بالام مەن نەمەرەلەرىمە قاراۋعا كومەكتەسۋىمدى سۇرادى»، - دەيدى ول.

ول ۋاقىتتا ساممەرستىڭ 170 كەلى بولىپ، سوزىلمالى جۇرەك پەن وكپە اۋرۋىنان زارداپ شەگىپ جۇرگەن.

«قىزىمدى جوعالتقان سوڭ عانا ماعان ءبىر جاعداي بولسا، ءبارىنىڭ كوڭىلىن قالدىراتىنىمدى ءتۇسىندىم»، - دەيدى ازامات.

مايكقا جاعىمسىز ادەتتەردەن ارىلۋ وڭاي بولماعان. ول تاڭنان كەشكە دەيىن تاماق ءىشۋدى توقتاتا الماي، اقىرىندا 2018-جىلى اۋرۋحاناعا تۇسكەن.

ءبىر جىل بۇرىن ساممەرس ارىقتاۋ كۋرسىنا جازىلىپ، ءبىر جىلدا 76 كەلى تاستاۋعا مۇمكىندىك الادى.

«مەن مۇنى ءوز پايدام ءۇشىن ەمەس، جاقىندارىم ءۇشىن جاسادىم»، - دەيدى مايك.