+7 (701) 759 90 19
-8 °С : نۇر-سۇلتان
8 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

«استانا» ۋنيۆەرسيتەتىنىڭ ليتسەنزياسى توقتاتىلۋى مۇمكىن

22 تامىز 17:17
:ءبولىسۋ
«استانا» ۋنيۆەرسيتەتىنىڭ ليتسەنزياسى توقتاتىلۋى مۇمكىن

نۇر-سۇلتان. قازاقپارات - ق ر ءبىلىم جانە عىلىم مينيسترلىگى «استانا» ۋنيۆەرسيتەتىندە ءبىرقاتار بۇزۋشىلىقتى انىقتادى.

بۇل تۋرالى قازاقپارات ۆەدومستۆونىڭ Facebook-تەگى پاراقشاسىنا سىلتەمە جاساپ حابارلايدى.

«قۇقىق بۇزۋشىلىققا «مۇلدەم توزبەۋشىلىك» قاعيداتىن باسشىلىققا الا وتىرىپ، قازاقستان رەسپۋبليكاسى ءبىلىم جانە عىلىم مينيسترلىگى ەلىمىزدىڭ جوعارى وقۋ ورىندارىن تەكسەرۋ بويىنشا جۇمىس جۇرگىزىپ جاتىر. «استانا» ۋنيۆەرسيتەتىندەگى جوسپاردان تىس تەكسەرۋ ناتيجەسىندە اتالعان ءبىلىم بەرۋ ۇيىمىندا قولدانىستاعى تالاپتارعا سايكەس كەلمەگەن ماسەلەلەر انىقتالدى. ۋنيۆەرسيتەتكە قابىلداۋ ەرەجەلەرى، ستۋدەنتتەردى اۋىستىرۋ جانە قايتا قابىلداۋ ءتارتىبى، ەمتيحان وتكىزۋ جانە ەمتيحان سەسسياسىنىڭ قورىتىندىسى بويىنشا قۇجاتتار جۇرگىزۋ ءتارتىبى بۇزىلعان. سونىمەن قاتار، ارالىق باقىلاۋ جۇرگىزۋ كەزىندە اكادەميالىق ساياسات ساقتالماعان»، - دەلىنگەن رەسمي جازبادا.

مينيسترلىك اتالمىش ۋنيۆەرسيتەتكە انىقتالعان كەمشىلىكتەردى جويۋ ءۇشىن 1 - قىركۇيەككە دەيىن مۇمكىندىك بەرىپ وتىر.

«تەكسەرۋ ن اتيجەسىندە، ايىپپۇل سالۋ جانە ءبىلىم بەرۋ قىزمەتىنە ليتسەنزيانىڭ قولدانىلۋىن توقتاتۋ تۋرالى قاۋلى شىعارىلدى. بۇگىنگى تاڭدا قاۋلى زاڭدى كۇشىنە ەنگەن جوق. ۋنيۆەرسيتەتكە 2019-جىلدىڭ 1- قىركۇيەگىنە دەيىن انىقتالعان بارلىق بۇزۋشىلىقتاردى جويۋ تۋرالى نۇسقاما بەرىلدى. نۇسقاما ورىندالماعان جاعدايدا ءىس سوتقا جىبەرىلەدى. توقتاتۋ تۋرالى قاۋلىنىڭ شىعۋى ۋنيۆەريستەتتىڭ ءبىلىم بەرۋ ليتسەنزياسى الىندى دەگەن ءسوز ەمەس. بەلگىلەنگەن مەرزىمگە دەيىن كەمشىلىكتەر جويىلسا، توقتاۋ تۋرالى قاۋلى كۇشىن جويادى»، - دەيدى ق ر ءبىلىم جانە عىلىم ءمينيسترىنىڭ كەڭەسشىسى ەربولات مۇحامەتجان.

ەسكە سالساق، ق ر ءبىلىم جانە عىلىم مينيسترلىگىنىڭ جوسپاردان تىس تەكسەرۋىنەن كەيىن شىمكەنت قالاسىنىڭ ايماقتىق الەۋمەتتىك-يننوۆاتسيالىق ۋنيۆەرسيتەتىندە ءۇش ءىس قوزعالعان بولاتىن.


باستى سوزدەر: ءبىلىم جانە عىلىم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات