+7 (701) 759 90 19 Лента
26 °С : نۇر-سۇلتان
25 °С : الماتى
USD 385.42 EUR 424.58
RUB 6.00 CNY 54.31
جاڭالىقتار

بەرىك ءۋالي: پرەزيدەنت اباي ولەڭىن وقۋ بىررەتتىك ناۋقان بولىپ قالماۋىنا ۇلكەن ءمان بەرىپ وتىر

22 تامىز 16:11
:ءبولىسۋ
بەرىك ءۋالي: پرەزيدەنت اباي ولەڭىن وقۋ بىررەتتىك ناۋقان بولىپ قالماۋىنا ۇلكەن ءمان بەرىپ وتىر

نۇر- سۇلتان. قازاقپارات - پرەزيدەنتتىڭ باسپا ءسوز حاتشىسى بەرىك ءۋالي اباي ولەڭىنەن ءۇزىندى وقۋ ەستافەتاسىنا قوسىلدى، دەپ حابارلايدى قازاقپارات ءتىلشىسى.

«جاقىندا «جاس قازاق» ۇلتتىق اپتالىعىنا بەلگىلى ابايتانۋشى عالىم، بۇگىندە جاسى 90 نان اسىپ وتىرعان ادەبيەتىمىزدىڭ ابىز اقساقالى مەكەمتاس مىرزاحمەتوۆ اعامىزدىڭ تاماشا سۇحباتى شىققان ەدى. وسى سۇحباتتى مەملەكەت باسشىسى قاسىم- جومارت كەمەل ۇلى دا وقىپ، «بۇل كىسىگە ەستافەتانى ءوزىڭ بەرسەڭ ءجون بولادى» دەپ ماعان ارنايى تاپسىرعان بولاتىن. پرەزيدەنتتىڭ وسى تاپسىرماسى بويىنشا دانا ابايدىڭ ءبىر ولەڭىن وقىماقپىن» ، - دەگەن بەرىك ءۋالي «اۋەلدە ءبىر سۋىق مۇز اقىل زەرەك» ولەڭىن وقىپ بەردى.

پرەزيدەنتتىڭ باسپا ءسوز حاتشىسى اباي ولەڭدەرىن وقۋ ەستافەتاسىنا قاسىم- جومارت توقايەۆ تا قولداۋ ءبىلدىرىپ، اقىننىڭ ولەڭىن وقىعانىن ەسكە سالدى. ونىڭ ايتۋىنشا، مەملەكەت باسشىسى وسى يگى باستامانىڭ بىررەتتىك ناۋقان بولىپ قالماۋىنا ۇلكەن ءمان بەرىپ وتىر.

«وسىعان وراي، پرەزيدەنت اكىمشىلىگىنىڭ باسشىسى قىرىمبەك ەلەۋ ۇلى ەلىمىزدەگى ديپلوماتيالىق وكىلدىكتەر مەن شەتەلدەردەگى ءبىزدىڭ ەلشىلىكتەردى، قازاقستان حالقى اسسامبلەياسىن، دۇنيەجۇزى قازاقتارىنىڭ قاۋىمداستىعىن، ابايدىڭ ەسىمىن يەلەنگەن جوعارى وقۋ ورىندارى مەن كوللەدجدەر ۇجىمدارىن، ورتا مەكتەپتەردى، اباي اۋداندارى مەن اۋىلدارىن، ءتىپتى، قالا بەردى اباي ەسىمدى ازاماتتاردىڭ ءبارىن قامتىعان شىن مانىندەگى جالپى حالىقتىق ەستافەتاعا اينالدىرۋ ماقساتىندا، ءتيىستى مەكەمەلەرگە ارنايى تاپسىرما- جوسپار ازىرلەۋگە نۇسقاۋ بەردى. بۇدان اباي شىعارمالارىن وقۋ ەستافەتاسىنىڭ قانشالىقتى ماڭىزدى ەكەنىن اڭعارۋعا بولادى» ، - دەيدى ول.

بەرىك ءۋاليدىڭ ايتۋىنشا، بۇل يگى باستاما ءبىر جىل بويى ءوتىپ، كەلەسى جىلدىڭ وسى ۋاقىتىنا بەلگىلەنىپ وتىرعان اقىننىڭ 175 -جىلدىق مەرەيتويىنا دەيىن جالعاسۋى ءتيىس.

«ەلىمىزدىڭ بارلىق ازاماتتارىن وسى چەللەندجگە اتسالىسۋعا تاعى دا شاقىرامىن. ەندى وسى ەستافەتانى بەلگىلى ابايتانۋشى، عالىم مەكەمتاس مىرزاحمەتوۆ اعامىزعا، بەلگىلى مەملەكەت جانە قوعام قايراتكەرى، عالىم امانگەلدى ايتالى اعامىزعا، جازۋشى، الاشتانۋشى- عالىم تۇرسىن جۇرتباي اعامىزعا، سونداي- اق دوسىم ءتاۋباجانعا جانە جالپى ابايتانۋشى، زەرتتەۋشى عالىمداردىڭ بارىنە جولدايمىن» ، - دەپ ءتۇيدى ول.

ايتا كەتەيىك، بۇعان دەيىن ق ر پرەزيدەنتى قاسىم- جومارت توقايەۆ 9 جاستاعى مەكتەپ وقۋشىسىنىڭ اباي ولەڭىن وقۋ بويىنشا ەستافەتاسىن قابىل الىپ، ونى ءبىلىم جانە عىلىم ءمينيسترى اسحات ايماعامبەتوۆكە، مادەنيەت جانە سپورت ءمينيسترى اقتوتى رايىمقۇلوۆاعا، جانە بۇكىل الەمدى مويىنداتقان تالانتتى ءانشى ديماش قۇدايبەرگەنگە جولداعان ەدى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات