الماتىدا سەل ءجۇرۋ قاۋپى بولعان اۋداندارعا اۋىزسۋ بەرىلدى
«22 - تامىزدا ناۋرىزباي اۋدانىنداعى قۇرامىس، تاۋسامالى جانە قارعالى ىقشاماۋداندارىنىڭ تۇرعىندارى ءۇشىن سۋىق سۋ قايتا بەرىلدى. قارعالى وزەنىندەگى سۋ تازاردى. بۇل سۇزگى ستانتسياسىنىڭ جۇمىسىن قايتا قالپىنا كەلتىرۋگە مۇمكىندىك بەردى. قازىرگى ۋاقىتتا سۋدى تازارتۋدىڭ بارلىق كەشەنى جۇمىس جاساۋدا. سۋدى زالالسىزداندىرۋ، سۋ قابىلداۋ قوندىرعىلارى رەتكە كەلتىرىلۋدە» ، - دەلىنگەن «الماتى سۋ» حابارلاماسىندا.
كوممۋنالدىق قىزمەت قوسىمشا وزەن ارناسىن، سۇزگىلەردى، تۇندىرعىشتى جانە سۋمەن جابدىقتاۋ جەلىلەرىن تازارتۋ بويىنشا جۇمىستار جۇرگىزدى. اۋىز سۋ بارلىق تۇتىنۋشىلارعا كەشكە دەيىن جەتەدى. ءقازىر قىسىمدى سىناۋ جانە سۋ قىسىمىن رەتتەۋ جۇرگىزىلۋدە.
«سۋ توقتاتىلعان ۋاقىتتان باستاپ «الماتى سۋ» كاسىپورنى اۋدانداعى سۋ ەسەپتەگىشتەرى جوق تۇتىنۋشىلارعا تولەم جاساۋ ءۇشىن، قايتا ەسەپتەپ بەرەدى» ، - دەدى كومپانيا.
ەسكە سالساق، الماتىدا سەل ءجۇرۋ قاۋپىنەن كەيىن ءۇش شاعىن اۋدان اۋىزسۋسىز قالعان ەدى.