قاسىم- جومارت توقايەۆ: حالىقتىڭ رۋحاني سۇرانىسىن قامتاماسىز ەتۋدە ونەردىڭ ورنى ەرەكشە

None
None
نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ ق. قۋانىشبايەۆ اتىنداعى قازاق دراما تەاترىنىڭ كوركەمدىك جەتەكشىسى تالعات تەمەنوۆتى قابىلدادى، دەپ حابارلايدى اقوردانىڭ باسپا ءسوز قىزمەتى.

كەزدەسۋ بارىسىندا ەلىمىزدەگى تەاتر ونەرىن دامىتۋ ماسەلەلەرى تالقىلاندى.

قاسىم- جومارت توقايەۆقا ەلورداداعى قازاق مەملەكەتتىك اكادەميالىق مۋزىكالىق دراما تەاترىنىڭ جاڭا عيماراتىن سالۋ جۇمىستارى بويىنشا اقپارات بەرىلدى.

بەلگىلى تەاتر جانە كينو رەجيسسەرى تالعات تەمەنوۆ بولاشاقتا مادەنيەت جىلىن جاريالاۋ، جاس اكتەرلەردىڭ الەۋمەتتىك جاعدايىن جاقسارتۋ، باسپانامەن قامتۋ ماسەلەلەرى بويىنشا ءبىرقاتار ۇسىنىستار ايتتى.

پرەزيدەنت قاسىم- جومارت توقايەۆ حالىقتىڭ رۋحاني سۇرانىسىن قامتاماسىز ەتۋدە ونەردىڭ، سونىڭ ىشىندە تەاتردىڭ ماڭىزىن اتاپ ءوتىپ، الداعى ۋاقىتتا مادەنيەتكە، تەاتر مەن كينوعا مەملەكەت تاراپىنان ءتيىستى دەڭگەيدە كوڭىل ءبولۋ جالعاسا بەرەتىنىن ايتتى.

سوڭعى جاڭالىقتار