+7 (701) 759 90 19 Лента
1
USD 386.70 EUR 427.15
RUB 6.06 CNY 54.57
جاڭالىقتار

ۋاقىتىڭدى باعالا: قازاقستاندا العاشقى بولىپ جۇرەگىن اۋىستىرعان جانىبەك وسپانوۆ

22 تامىز 14:06
:ءبولىسۋ
ۋاقىتىڭدى باعالا: قازاقستاندا العاشقى بولىپ جۇرەگىن اۋىستىرعان جانىبەك وسپانوۆ

پاۆلودار. قازاقپارات - پاۆلودار قالاسىندا ۇ ە ۇ- بيزنەس- مەملەكەت سەرىكتەستىگىنىڭ «ASAR» IIІ رەسپۋبليكالىق فورۋمى اياسىندا قازاقستاندا العاشقى بولىپ جۇرەك ترانسپلانتاتسياسىن جاساتقان جانىبەك وسپانوۆ قازىرگى ءومىرى جايلى ايتتى، دەپ حابارلايدى قازاقپارات pavlodarnews.kz سايتىنا سىلتەمە جاساپ.

«ءنومىرى جەتىنشى سپيكەر» سەكسياسى بارىسىندا قىزىقتى تۇلعالار ءسوز سويلەپ، يدەيالارىمەن ءبولىستى.

ءار سپيكەرگە 11 مينۋتتان ۋاقىت بەرىلىپ، ولارعا 3 سۇراقتان قويىلدى. الاڭعا قازاقستاندا جانە ورتا ازيادا العاشقى بولىپ جۇرەگىن دونورلىق جۇرەككە الماستىرعان جانىبەك وسپانوۆ تا شىقتى.

«مەن وسىدان 7 جىل بۇرىن دونورلىق جۇرەك قويعىزدىم. دارىگەرلەر ماعان جارتى جىل ءومىرىم قالدى دەگەن ەدى. اق حالاتتىلار بۇنداي وتانى ۇسىنعاندا بىردەن كەلىستىم. ويتكەنى باسقا تاڭداۋ بولعان جوق. وتا اۋىر بولدى. قايتا قالىپقا كەلۋگە كوپ ۋاقىت كەتەدى دەدى. كەيدە جالعىز، وزىڭمەن- ءوزىڭ قالعاندا شىنىمەن ولۋگە جاقىن بولعانىمدى، ءولىم اۋزىنان قايتقانىمدى سەزىنەمىن. ءوز ومىرىڭە قورىتىندى جاسايسىڭ. نە جاسادىڭ، نە ىستەپ ۇلگەرگەنىڭە ەسەپ بەرەسىڭ. مەنىڭ تىندىرعانىم ونشا كوڭىلىمنەن شىقپادى. ومىرىمدە دەمالىسقا از شىعىپپىن. كوپ قىدىرمادىم، ساياحاتتامادىم»، - دەدى جانىبەك وسپانوۆ.

وتا جاسالعاننان كەيىن ج. وسپانوۆ الدىنا جوسپار قۇرعان. ءبارىن دۇرىستاعىسى كەلگەن. ەندى قالاي ءومىر ءسۇرۋ كەرەكتىگىن ويلانعان.


سپيكەردىڭ ايتۋىنشا، قايتا قالىپقا كەلگەنىندە كارديوحيرۋرگيالىق ورتالىققا پاتسيەنتتەرمەن جۇمىس اكىمشىسى بولىپ جۇمىسقا كىرگەن. وتا جاساۋعا دايىندالىپ جۇرگەن ادامدارمەن جۇمىس جاساعان.

«2015 -جىلدارى ەلىمىزدە جۇرەككە وتا جاساۋ بەلەڭ الا باستادى. سول كەزدە قاتارىمىز 15 ادامعا كوبەيدى. ءبارىمىز جينالىپ «ءومىر تىنىسى» قوعامدىق بىرلەستىگىن اشتىق. باسىندا ءبىز تەك جينالىپ، اڭگىمەلەسىپ، تالقىلاپ جۇردىك. ەندى نە ىستەيتىنىمىزدى ىزدەدىك. ينتەرنەتتەن حالىقارالىق بىرلەستىكتەردى، كەڭەستەردى قاراستىردىق. كەڭەستەر كوپ. الايدا، ءبىز ادامدار ءوزى قالاي اسەر ەتە الاتىنىن ىزدەدىك. ءومىر ساپاسىن جاقسارتۋدى قالادىق»، - دەدى سپيكەر.

جانىبەك وسپانوۆ 2016 -جىلى فينليانديادا مۇنداي وتا جاسالعان ادامدار اراسىنداعى الەم چەمپيوناتى اياسىندا وتادان كەيىنگى سپورتتىق بەلسەندىلىك جونىندە جيىن وتەتىنىن بىلگەن. سول جەردە وتكىزگەن 2 كۇن ىشىندە كوزقاراسى مۇلدە وزگەرگەن.

«ولار وتادان كەيىن ءومىر ساپاسىن جاقسارتۋعا سپورت قاجەت ەكەنىن كورسەتتى. اراسىندا 3-70 جاستان اسقان ادامدار بولدى. ولاردىڭ ومىرلەرىنە ريزا ەكەنى بايقالدى. قازاقستانعا كەلگەننەن كەيىن مەن وسى اقپاراتتى ءبىزدىڭ بىرلەستىكتەگىلەرگە جەتكىزۋىم كەرەك دەپ شەشىتم. ويتكەنى بۇندا ەشقانداي اقپارات جوق ەدى. سودان كەيىن وسىنداي باعدارلامانى قوزعاپ، سپورتپەن شۇعىلدانۋدى باستادىق. 2017 -جىلى اسسامبلەيانىڭ جيىنىندا پرەزيدەنت الدىندا وسى ماسەلەنى قوزعاۋ مۇمكىندىگى ءتۇستى. پرەزيدەنتتىڭ تاپسىرماسىمەن يسپانياداعى دۇنيەجۇزىلىك ويىنعا باردىق. بۇل ءبىز ءۇشىن مەرەكە بولدى. 3 مىڭ ادام جينالدى. ءبىزدىڭ ءبىر قىز بوۋلينگتەن التىن مەدال الدى. وسى ۋاقىتقا دەيىن 3 سايىسقا قاتىسىپ، 11 مەدال جەڭىپ الدىق»، - دەدى سپيكەر.

سودان كەيىن قازاقستاندا دا جۇرەگىنە دونورلىق وتا جاساتقان ادامدار اراسىنداعى سپورتتىق جارىستار ۇيىمداستىرۋ قولعا الىنا باستاعان. قازاقستان ىشىندە 2 سايىس وتكىزىلدى. سوڭعىسىنا 100-دەن اسا ادام قاتىسقان. ونى كورگەن ەۋروپالىق فەدەراتسيانىڭ پرەزيدەنتى ەلىمىزدە ەۋروپالىق چەمپيوناتتى وتكىزۋدى ۇسىنعان.

«ءبىز قازىر فەدەراتسيامىزدى زاڭداستىرعىمىز كەلەدى. ادامداردى كوپ تارتىپ، حالىقارالىق ويىندارعا قاتىسۋ ماقساتىمىز»، - دەدى ول.

سونىمەن قاتار ج. وسپانوۆ كورەرمەندەردەن وتادان كەيىن ومىرگە دەگەن كوزقاراسى قانشالىقتى وزگەرگەنى جونىندەگى سۇراققا جاۋاپ بەردى.

«ادام وسىنداي كۇردەلى جاعداي بولاتىندىعىن كۇتپەۋ كەرەك. ءوز ۋاقىتىڭدى باعالاۋ قاجەت. ۋاقىتتى جۇمىسقا، وتباسىنا، دەمالىسقا، ساياحاتتاۋعا بارىنە جەتەتىندەي ەتىپ جوسپارلاۋى ءتيىس. ءومىرىن دۇرىس جولعا قويا بىلگەنى ءجون»، - دەدى ول.


باستى سوزدەر: دةنساؤلئق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات