وڭتۇستىك كورەيادا قازاق كۇرەسىنەن تۋرنير ءوتتى

نۇر-سۇلتان. قازاقپارات - چۋندجۋ قالاسىندا حالىقارالىق جاستار جەكپە- جەك لاگەرىندە بەس مەملەكەتتىڭ سپورتشىلارى باس قوستى.

لاگەردەگى ءومىر تاڭەرتەڭ دەنە شىنىقتىرۋدان باستالادى. سپورتشىلار جاتتىعۋ جاساپ ءبىر- بىرىمەن بەس تىلدە سالەمدەسەدى، العىس ايتادى جانە قوشتاسادى. كورەيا، برازيليا، تۇركيا جانە موڭعوليا ازاماتتارى ەندى قازاقشا راحمەت ايتا الادى.

جاستار لاگەرىن يۋنەسكو- نىڭ حالىقارالىق جەكپە- جەك ورتالىعى ۇيىمداستىرعان. مۇندا سپورتشىلار قازاق كۇرەسى، موڭعولدىق بوح، كورەيالىق سسيرىم، تۇرىك گيۋرەشى جانە برازيليالىق كاپۋەيرو ۇلتتىق سپورت تۇرلەرىمەن تانىستى.

 حاننا چوي، يۋنەسكو- نىڭ حالىقارالىق جەكپە- جەك ورتالىعىنىڭ مامانى:

 - حالىقارالىق لاگەرگە كەلۋشىلەر جەكپە- جەكتىڭ بىرنەشە تۇرىمەن تانىسادى. مىسالى، كورەيالىق سسيرىم پالۋانى قازاق كۇرەسى تاسىلدەرىن ۇيرەنەدى. جەكپە- جەكپەن بىرگە قازاق مادەنيەتىن جانە قاراپايىم سوزدەرىن دە بىلەتىن بولادى.

 بولاشاقتا ولاردىڭ تانىسۋى دوستىققا اينالىپ ولار وزگە ۇلتتىق سپورت تۇرلەرىن حالىقارالىق دەڭگەيدە ناسيحاتتايدى دەپ سەنەمىز. قازاق بالۋاندارى شەتەلدىكتەرگە كۇرەستىڭ ءادىس- تاسىلدەرىن كورسەتتى. ال برازيليالىقتار قازاق كۇرەسى وزدەرىنىڭ ۇلتتىق سپورتى كاپۋەيروعا ۇقسايتىنىن ايتادى.

 ۆەلينگتون نەلسون، فەرنادەس -  كاپۋەيرا مامانى:

- ءبىز قازاقستان وكىلدەرىن ءبىرىنشى رەت كورىپ تۇرمىز. ولاردىڭ قاراپايىمدىلىعىنا، بىلىكتىلىگىنە تاڭعالدىق. وتە باقىتتى ادامدار ەكەن. قازاق كۇرەسىمەن كاپۋەيرو اراسىندا ءبىراز ۇقساستىقتار بار. قازاقستانداعى سپورت فەدەراتسياسىمەن قارىم- قاتىناستى ودان ءارى دامىتامىز.

قازاق كۇرەسىن جاقسى مەڭگەرگەن شەتەلدىكتەر شاعىن تۋرنيرگە قاتىستى. ءسويتىپ جەڭىسكە جەتكەن پالۋاندار قازاقستاندىق شوكولادتىڭ ءدامىن تاتتى.

ەربول مىرزابوسىنوۆ، ق ر ەڭبەك سىڭىرگەن جاتتىقتىرۋشىسى:

 - قازاق كۇرەسىنىڭ ەرەجەسى الەمدە كوپ كۇرەستەرگە كەلەدى. مىسالى، دزيۋدو، سامبوعا ۇقسايدى. ەركىن كۇرەس ەلەمەنتتەرى ءدوپ كەلگەندىكتەن كوپ سپورتشىلار ەمىن- ەركىن كۇرەسەدى. وعان كەشە موڭعوليادا وتكەن ازيا بىرىنشىلىگى دالەل. جاڭاعى سەگىز سالماقتىڭ ۇشەۋىندە قازاق پالۋاندارى جەڭىسكە جەتتى. قالعان سالماقتاردا باسقا ەلدەردىڭ سپورتشىلارىنىڭ ۇلەسىندە.

 چۋندجۋ قالاسىندا سپورتشىلارىمىز شەتەلدىك ارىپتەستەرىمەن تاجىريبە الماسۋعا كەلىستى. حالىقارالىق ىنتىماقتاستىقتىڭ ارقاسىندا قازاق كۇرەسىنىڭ الەمدەگى تانىمالدىعى ارتىپ، ءتىپتى وليمپيادا ويىندارى باعدارلاماسىنا ەنگىزىلۋى مۇمكىن.

www.24.kz